නැවතත් අමුතුවෙන් කීම අනවශ්‍ය වුණත් රසිකොලොජි බ්ලොග් අඩවියක් පවත්වා ගෙන ගිය මා එනමින් ම යූටියුබ් නාලිකාවක් ඇරඹීමට මූලිකම හේතුව වූයේ මේ කොරෝනා වසංගතයයි.
මා මුලින් ම රසිකලොජි යූටියුබ් නාලිකාවේ පළ කළ වීඩියෝව වූයේ කොරෝනා පරිප්පු සාදන ආකාරය හෙවත් පිරිමින්ට ඉවුම් පිහුම් පාඩමක් යන්නයි.
ඊට අමතරව මේ වනවිට මගේ යූටියුබ් නාලිකාවේ පළ කර ඇති වීඩියෝ අතරින් කොරෝනා වසංගතය හින්දා නිවසේ රැඳී සිටීම සිදුවීම නිසා උපත ලැබූ වීඩියෝ කිහිපයක් ම තිබේ.
කොරෝනා කාලයේ මා ගෙදර ඇතුළේ ඇවිදීමේ ව්‍යායාම කළ හැටි, දවස් එකොළහක් නිවසේ හිරවී සිට දොළොස්වැනි දවසේ පොඩි වෙලාවකට ෆාමසියට ගිය හැටි, ගෙවත්තෙ වැඩ කරපු හැටි, බතල පාත්ති දාපු හැටි, ලව් රොටී හදලා බිරිඳට කන්න දුන්න හැටි, බීෆ් ස්ටේක් හෙවත් මස් පෙති බැදලා කන්න දුන්න හැටි, ගෙවත්තේ වැවිලා තිබුණු ගොටුකොළ එක්ක පරීක්ෂණාත්මක ඉවුම් පිහුම් කළ හැටි යනාදී විවිධ කාරණා පිළිබඳව මා නිපදවූ වීඩියෝ අවශ්‍ය කෙනෙකුට ඕනෑම වෙලාවකට නැරඹීමට රසිකලොජි යූටියුබ් නාලිකාවේ පළ කර ඇත.
දැන් මාස කිහිපයක් තිස්සේ ලොවම බියපත් කර, යටපත් කරගෙන සිටින කොරෝනා වසංගතය කොයි දිනක නිම වේ දැයි කිසිවකුට නිශ්චිත අනාවැකි කීමට නොහැකි නමුත් මේ වන විට සමහරු කොරෝනා සමයෙන් පසු එළැඹෙන ලෝකය ගැන කතා කරන්නට පටන් ගෙන තිබේ.
ඒ හුඟ දෙනෙකු කතා කරන්නේ කොරෝනාවෙන් පසු ලෝකයේ දේශපාලනය කෙසේ වේද? ලෝක බලවතා කවුරුන් වෙයිද? ආපසු පෙර පැවති තත්වයට ලෝක ආර්ථිකය ගෙනි යන්න හැකිවෙයිද, කොපමණ කාලයක් යයි ද වගේ බරපතල කරුණු ය.
ඒ ගැන ම නොවුණත්, මට ද මගේ සිත තුළ ඇති වූ අදහස් ලියා තැබීමට සිත්විය.
මට කියන්නට ඇත්තේ මූලික වශයෙන් කාරණා දෙකක් ගැන පමණකි. මේවා අතිශය සරල කරුණු වේ.
ඒ එක්කම මේවා මගේ බලාපොරොත්තු පමණකි. බොහෝවිට සැබෑ නොවන සිහින වීමට ඉඩ ඇත.
පළමුවෙනි කාරණය ලෝකයේ සම්පත් බෙදී ගිහින් තියෙන ආකාරය පිළිබඳවයි.
මා සිතන ආකාරයට මේ වන විට රාජ්‍යයන් වශයෙන්, ජාතීන් වශයෙන්, කණ්ඩායම් වශයෙන්, පවුල් වශයෙන් සහ තනි පුද්ගලයින් වශයෙන් අප සියලු දෙනාම අවබෝධ කරගෙන සිටිය යුතු කාරණයක් වන්නේ අප සතුව කෙතරම් වත්කමක්, වස්තු සම්භාරයක් හෝ රටක් වශයෙන් කෙතරම් යුද ශක්තියක් හෝ තිබුණත් මේ වෛරයස හමුවේ අප සියලු දෙනාම අසරණ බවයි.දෙවෙනි කාරණය අද ලෝකයේ බහුතරයක් දෙනා ගිලී සිටින මේ මිථ්‍යා විශ්වාස සහ ආගම් කියන මඩ ගොහොරුව පිළිබඳවයි.
ඒ සමගම, බටහිර දක්‍ෂිණාංශික ආණ්ඩුවලට පවා ඉතාමත් උග්‍ර ලෙසින් සුබසාධන කටයුතුවලට යොමුවෙන්නට වී තිබේ.
උදාහරණයක් ලෙස මා වසන ඕස්ටේ‍ර්ලියාවේ බලයේ සිටින දක්‍ෂිණාංශික ආණ්ඩුව පවා කොරෝනා වසංගතය පැතිරීම වැළැක්වීමේ පියවරක් වශයෙන් ෆෙඩරල් රජය විසින්, ප්‍රාන්ත රාජ්‍යවලද සහයෝගය ඇතුව, රටේ වැඩකටයුතුවලට කළ සීමා පැනවීම් නිසා රැකියා අහිමි වූ මිලියන හයක ජනතාව වෙනුවෙන් සහන සැලසීම සඳහා ඩොලර් බිලියන තුන්සීයක පමණ මුදලක ප්‍රතිපාදන මේ වන විට වෙන් කර ඇත.
එනිසා මේ කාරණය සම්බන්ධයෙන් මගේ අපේක්‍ෂාව වෙන්නේ පශ්චාත් කොරෝනා සමයේ දී ලෝකයේ ඇති සම්පත් බෙදීයාමේ අද පවතින විෂම තත්වය වෙනස් වී වඩාත් සාධාරණ සම්පත් බෙදී යාමේ වැඩ පිළිවෙළකට ලෝක දේශපාලනය සීරුමාරු වේ ය යන්නයි.
ඒ කියන්නේ මීට වඩා සාධාරණ, සමාජවාදී ලෝකයක් උදාවේය යන්නයි.
මා සිතන්නේ මේ වන විට මේ ලෝකයේ ජීවත්වෙන ඇස් කන් ඇති ඕනෑම පුද්ගලයෙකුට අනිවාර්යෙන් වැටහී ගොස් තිබිය යුතු කාරණයක් වන්නේ මිථ්‍යා විශ්වාස සහ ආගම් ය, දෙයියා ය කියන බොරු දේ ලෝකෙට බරක් මිස කිසිදු ප්‍රයෝජනයක් ඇති දේ නොවන බව ය. ඒ සමගම, පහුගිය දවස්වල පෝය දා පන්සල් යෑම ද, සිකුරාදා හෝ ඉරිදා හෝ පල්ලි, කෝවිල් යෑම ද නොකීරීමෙන් මිනිසුන්ට සත්‍යවශයෙන් ම වූයේ කාලය ඉතුරුවීමක් බවයි. ලොව වසන මිනිසුන් සියලු දෙනාම අසරණ වී සිටින මේ මොහොතේ ඔවුන්ව බේරා ගැනීමට කුමන හෝ අදෘශ්‍යමාන බලවේගයක් හෝ නැති බවයි.මා ආරම්භයේ දී ප්‍රකාශ කළා සේ ඉහත දැක්වූයේ පශ්චාත් කොරෝනා ලෝකයේ දී මා දකින්නට බලාපොරොත්තු වෙන වෙනස් කම් දෙකකි. ඒවා හුදෙක්ම ප්‍රාර්ථනා පමණක් වෙන්නට ඉඩ ඇත.
එනිසා මේ කාරණය සම්බන්ධයෙන් මගේ අපේක්‍ෂාව වන්නේ පශ්චාත් කොරෝනා සමයේ දී මිනිසුන් මේ දෙයියා, ආගම් බහුබූත සහ අනිකුත් මිථ්‍යා විශ්වාස සියල්ලම අතහැර දා, තම ස්වාධීන චින්තනය සමග තමන්ගේ පාඩුවේ ජීවත් වීම අරඹාවිය යන්නයි.
නමුත්, දෙවන ලෝක යුද්ධයෙන් පස්සේ ලෝකය තරමක් හෝ වෙනස් වෙලා හොඳ අතට හැරුණා සේ අද පවතින මේ කොරෝනා වසංගතයට එරෙහි යුද්ධයෙන් පසුවත් යම් ධනාත්මක වෙනසක් වේවිය කියා බලාපොරොත්තු වීමේ වරදක් නැත.
එහෙම නේද?
ස්තුතියි.
-රසික සූරියආරච්චි
ප/ලි:
මේ අදහස සහිත කෙටි වීඩියෝවක් මගේ රසිකලොජි යූටියුබ් නාලිකාවේ පළ කර ඇත.
ඔබට හැකි නම්, එහි ගොස්, මගේ නාලිකාවට සම්මාදම් වෙන ලෙස, එනම් සබ්ස්ක්‍රයිබ් (SUBSCRIBE)කරන ලෙස කරුණාවෙන් ඉල්ලමි.
එසේම මගේ නාලිකාවේ ඇති තිහක පමණ වීඩියෝ සඳහා ඔබේ කැමත්ත ප්‍රකාශ කිරීමට, එනම් ලයික් (LIKE) කිරීමට මෙන්ම, ප්‍රතිචාර දැක්වීමට, එනම් කමෙන්ට් (COMMENT) කිරීමට ද ඔබට හැක.
නැවතත් ස්තුතියි.
