Wednesday, 25 March 2020

රසිකොලොජි යූටියුබ් නාලිකාව - Rasikalogy ventures into YouTube


මේ කෙටි සටහන ලියන්නේ මා රසිකොලොජි නමින් ම යූටියුබ් නාලිකාවක් ආරම්භ කළ බව දැනුම් දෙන්නයි.

මෙය මා කාලයක් තිස්සේ, ඇත්තටම අවුරුදු හයක් පමණ ඉහත කාලයක දී පවා, සිතමින් සිටි වැඩකි. එසේ නමුත්, මගේ බොහෝ සැලසුම් මෙන් ම මෙය ද දිනෙන් දින කල් ගියේ ය.

විටෙක නින්දට යනවිට සිහිවුණි.
විටෙක නාන කාමරයේ දී සිහිවුණි.
විටෙක රිය පදවන විට සිහිවුණි.
දුම්රියේ යනෙන විට සිහිවුණි.
නමුත් විවේක වේලාවක සිහි නොවුණි.

පසුගිය සතියේ දවසක හදිසියේ ම ආහාරය සඳහා මා ප්‍රියතම මෙන්ම, මා සෑදීමට දන්නා කෑම වර්ග අතරින් එකක් වන පරිප්පු සාදා ගැනීමට සැරසුණු අවස්ථාවේ ඒ අතීත සැලසුම හදිසියේ ම මතකයට ආවේ දෛවෝපගතව තිබුණු ආකාරයට විය යුතුය.

කිසිසේත්ම පෙර සූදානමකින් හෝ තිර රචනයකින් හෝ තොරව, තනි අතින් වීඩියෝ කැමරාව අල්ලාගෙන එක අතකින් උයමින්, ඒ අතරම වචනයක් දෙකක් පවසමින් පරිප්පුව පිසීම වීඩියෝ ගත කළෙමි. පසුව පුතාගේ සහයෙන් මුලට එක් කිරීම සඳහා තත්පර කිහිපයක් කැමරාගත කළෙමි.

සියල්ල එක්කර, සාමාන්‍ය මයික්‍රෝසොෆ්ට් වින්ඩෝස් මුද්‍යකාංගය භාවිතයෙන් විනාඩි තහ අටක වීඩියෝව හදා ගන්නට පැය කිහිපයක් ම තටමන්නට සිදුවිය.

කෙසේ හෝ අවසානයේ ඒ වීඩියෝව රසිකොලොජි නමින් ඇරඹුණ අලුත් යූටියුබ් චැනලයකට එකතු කළෙමි.

මෙන්න එය: කොරෝනා පරිප්පු - පිරිමින්ට ඉවුම් පිහුම් පාඩමක්



පසුව මා කළේ මා කලකට පෙර සිනුවර දී ඉදිරිපත් කළ හිටං විහිළු රංග දෙකකින් තෝරාගත් කොටස් කුඩා වීඩියෝ ලෙස හදා ඒවා දිනකට එක බැගින් රසිකොලොජි චැනලයට එකතු කිරීමයි.

දැන් වීඩියෝ එකතුව පහකි.

2. හොඳ සැමියෙකු වෙන්නේ කෙසේද?


3. හිටං විහිළු යනු කුමක් ද?


4. ජංගි හොරා - රසික සූරියආරච්චිගේ හිටං විහිළු


5. ජොක්කු කතන්දර


යන්න. බලන්න. හිතවතුන් සමග බෙදා ගන්න.

ඒ සමගම මගේ නාලිකාවට සම්මාදම් වීමට, එනම් සබ්ස්ක්‍රයිබ් කිරීමට ද අමතක කරන්න එපා.

මක්නිසා ද යත්, දිගින් දිගටම මෙලෙස වීඩියෝ එකතු කරන්නට මා අදහස් කරන නිසා ය.

මේ කොරෝනා කාලේ වෙන කුමක් කරන්නද?

බොහොම ස්තුතියි.

-රසිකොලොජිස්ට්




(image: )

4 comments:

  1. තවම මුලනේ......... තව හොඳ වෙයි. සුපැතුම්!

    ReplyDelete
    Replies
    1. බලමු. බලමු. ස්තුතියි.
      හැබැයි ඉතිං අලුතෙන් කිව්වත් පරණ කතාම තමයි.

      Delete
  2. සබැදියට ස්තුතියි. එනමුත් එහි ඇති වීඩියෝ දෙක තුන බැලු විට අහෝ මාගේ ඩේටා අපරාදේ කියා සිතුනි. අදාල චැනලය don't recommend සහ වීඩියෝ not interested කළෙමි.

    ස්තුතියි.

    ReplyDelete
    Replies
    1. ස්තුතියි.

      අපරාදේ ඔයා නරඹලා තියෙන්නේ වීඩියෝ තුනයි නේ. අද වෙනකොට තියෙන පහෙන් ඉතුරු දෙක තමයි හොඳම. අත හවසට එන එක තමයි හයෙන් හොඳම එක!

      Delete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.