පසුගිය දිනවල හෝඩියේ පන්තියේ පොඩි ළමයින් ගැන ලියමින් සිට ඊට පසු "එයා දැන් ලොකු ළමයෙක්" ගැන ලියූ මට මට අද ඊටත් වඩා "ලොකු දෙයක්" ගැන ලියන්නට සිත් විය.
මෙය "ලොකු දෙයක්" වෙන්නේ ලොකු ළමයෙකු ගැන ලියවෙන සටහනක් නිසා පමණක් නොව, මේ කාරණයේ මට ලොකු වැදගත්කමක් ද ඇති නිසා ය.
මේ ලියන්නේ "ලොකු" ගැන ය. කෙටියෙන් ලොකු කියන්නේ මැද පිළිවෙතින් සිරිමල් ගැන ය. දිගට කියනවා නම් රන්සිරිමල් ගැන ය. තවත් දිගට කියනවා නම්, ආන්ජලෝ රන්සිරිමල් ප්‍රනාන්දු නම් සහෘදයා ගැන ය.
මා රන්සිරිමල් යන නම මුලින් ම දුටුවේ ප්‍රාග් යුනිකෝඩ් ගල් යුගගේ දී බිහි වී තිබුණු "සිරිමල් උයන" නම් වෙබ් අඩවිය හරහා ය. අන්තර්ජාලීය සිංහල සාහිත්‍යකරණයේ ඒ ප්‍රමුඛ පියවර ගැන මින් පෙර රසිකොලොජියේ ලිය වී ඇත.
ඉන්පසුව, තරංග ජයසේන හෙවත් කූඹියා ගේ මූලිකත්වයෙන් ඇරඹුණු "බූන්දි" හරහා මට රන්සිරිමල් ගේ නිර්මාණ කියවන්නට ලැබුණි. ඔහු ගේ ප්‍රියම්භිකාව වන මානෙල් ගේ විවිධ නිර්මාණ ද බූන්දිය එකල පැවතුණු ඊ-මේල් වේදිකාව හරහා කියවන්නට ලැබුණි.
අන්තර්ජාලය හරහා එසේ දැන හඳුනාගෙන සිටි ඔවුන් දෙදෙනා මට මුලින් ම මුහුණට මුහුණ හමුවූයේ ඊට කලකට පසු 2009 දී සිඩ්නි නගරයේ දී ය.
ඉන්පසු 2010 ජනවාරියේ දී බූන්දි කණ්ඩායමේ අනුග්‍රහයෙන් කොළඹ දී පැවැත්වුණු ජගත් ජේ එදිරිසිංහ ගේ රාජාලි පියාපත් කාව්‍ය සංග්‍රහය දොරට වැඩුණු උලෙළේ දී මට ඔවුන් දෙපළ මුණ ගැසුණි.
ඊළඟට පසුගිය දෙසැම්බරයේ කොළඹ දී පැවැත්වුණු යශෝධා සම්මානී ප්‍රේමරත්න ගේ "ඉතා කෙටි කලබල සිහින" කෘතිය දොරට වැඩීමේ උත්සවයේ දී මට රන්සිරිමල් හමුවිය.
ඉතිං, මගේ සිතට ආ මේ සියලුම කරුණු මෙලෙස මෙහි සටහන් කළේ රන්සිරිමල් ප්‍රනාන්දු ගේ නවතම බ්ලොග් අඩවිය ගැන පවසන්නයි.
ඔහු එය නම් කර ඇත්තේ "ලොකු අකුරු" කියා ය.
https://lokuakuru.blogspot.com/
ලොකු වෙන්නට පෙර කතා, ලොකු වුණාට පසු කතා, ජීවිත කතා, කවි ආදී විවිධ මානයන් ගේ, විවිධාකරයේ ලියවිලි, නිර්මාණවලින් පිරුණු ලොකු ගේ ලොකු අකුරු බ්ලොගය මට රස සාගරයක් ලෙස හැඟුණි.
ලොකු ලියා ඇති ලොකු ගේ තාත්තා ගැන සටහන මගේ නෙතට කඳුළු නැංවුවේ ය.
ලොකු ලියා ඇති ලොකු ගේ ලොකුම ලොක්කා නොහොත් බොසී හමුවෙන්නට ගිය ගමනක් ගැන සටහන මට සිතට නව නළු රසයම ගෙනාවේ ය.
ලොකු ලියා ඇති ලොකු ගේ ලොකු අකුරු ගැන සටහන මට මගේ හෝඩියේ පන්ති සමය සිහි කළේ ය.
ඒ සමගම ලොකු, පොඩි අපට නොහැකි ලොකු ලොකු වැඩ ද කර ඇති බව පෙනුණි.
තවත් ලොකු පොඩි සටහන් බොහෝ ය.
ගොස් කියවන්න!
-රසිකොලොජිස්ට්
ප/ලි:
අමතක වීමට ගිය තවත් කරුණක් මෙසේ ය.
මා හිතන ආකාරයට දැන් දශක තුනකට වැඩි කාලයක් තිස්සේ රන්සිරිමල් පවුල වාසය කරන්නේ කැනඩාවේ ය.
මේ විශ්ව ගම්මානයේ සැරිසරන අපට ඒ අක්‍ෂාංශ දේශාංශ කවරේ ද යන්න එතරම් වැදගත් කරුණක් නොවේ. අපට ඉර පායන්නේ, බහින්නේ වෙනස් කාලවල බව පමණක් මතක තබා ගැනීම ප්‍රමාණවත් ය.
ප/ප/ලි:
තවත් කරුණක්.
මේ ලොකු අකුරුකාරයා මීට කලින් ද බ්ලොගයක් ලියූ බව මගේ මතකයයි. අවාසනාවකට මෙන් ඒ කුමක්දැයි මට සිහිපත් කර ගත නොහැක!
ලොකු අයියා ලියපු අනිත් බ්ලොග් එක බස්සිට මතක ඇති.. කරුමෙට ඒ වාහේ දැං හොයාගන්නත් බෑ...
ReplyDeleteරන්සිරිමාල් ගීතාංජලි කවි පරිවර්තනය කළා. ඒවා නම් බූන්දියේ ඇති!
Deleteලොකු අයියා ගීතාංජලී කියලා මුලින්ම බ්ලොග් එකකුත් ලිව්වා. ඒක වහලා වගේ.
Deleteමම නම් කාලයක් තිස්සේ බ්ලොග් එක කියෙව්වා. ඒත් අඹගහයටට කලින් ඇඩ් කරාත් එක්ක. ෆීඩ් අවුල්ගිහින් අන්තිම කාලේ අප්ඩේට් වුනේ නෑ. ආයේ අලුතෙන් ඇඩ් කලා.
රංගි
Deleteමාත් ලොකු අකුරු බ්ලොගය ගැණ දැන ගත්තේ ෆේස්බුක් එකෙන් තමයි. ඒත් මානෙල් බෙදා හැර තිබුණාමයි. රන්සිරිමාල් දැන් බුකියෙන් අයින් වෙලා!
තුති රසික. ඔබේ සටහන කාලයක හිට ලියන්න හිත හිතා ඉන්නා එස්එල්නෙට්; ලැක්නෙට් ගැනත් මතක් කෙරුවා මට.
ReplyDeleteඇයි සොක්-කල්චර්-ශ්‍රී ලංකා?
Deleteඅඹ ගහ යට එකේ දැකල කියෙව්වා. රසවත් නිසා ගෙනිහින් බ්ලොග් රෝලෙත් එල්ලුවා.
ReplyDeleteමං නං දැන ගත්තේ ෆේස්බුක් එකෙන්. හැබැයි දැන් රන්සිරිමාල් ෆේස්බුක් වහලා!
Deleteමට සිංහලෙන් ටයිප් කරන්න අමාරු කාලෙ සිහිවුනා. ඔබත් උපදෙස් දුන්නා. ස්තුතියි
ReplyDeleteඅපි වෙනුවෙන් අපි!
Deleteලස්සන ලියවිලි එකතුවක් හැඩයි.දාගන්න ඕන බ්ලොග් රෝලට.
ReplyDeleteකොහොමද අර පෙම්වතිය හමු වෙන්න ගිය සදාහරිත කතාව!
Deleteලොකු අකුරු කිව්වාමයි මේ කතාව මතක් වුණේ. ඉස්සර මා හිරු පත්තරේ සංස්කරණය කරන කාලේ අජිත් සමරනායක ඒකට කොලමක් ලිව්වා. ඔහු ලිව්වේ පරණ පත්තරකාරයන් කරනවා වාගේ ඩිමයි කඩදාසියේ තනි පැත්තේ ඩබල් ස්පේස් තියලා ලොකු අකුරෙන්. ඕනැ නම් එක පිටුවක වචන 100ක් විතර තියෙන්න ඇති.
ReplyDeleteඅපේ ටයිප්සෙටිං කරපු ගෑල්ලමයා මේ පිටපත සේව් කරලා මට එවන්නෙ POLAKURU කියලයි.
පොල් අකුරුවල විරුද්ධ පදය දන්නවාද?
Deleteකූඹි කකුල්!