ආතතිය කියන්නේ
උසස් පෙළ ගණිතයේ පාඩමක දී ඇසුණු
වචනයක් පමණක් ම වූ සොඳුරු කාලයට
විෂාදය කියන්නේ
යුරෝපා බසක සිට සිංහලට පෙරළිච්ච
නවකතාවක දි හෝ හමු නොවුණු
අත්භූත වචනයක් සේ දැනුණු කාලයට
විරහ වේදනා පොදි කැටි ගැසූ
කවක් පබැඳීම යනු
දුක නිවන, සිත සතුට ඇති කරන
කාරියක් වුණු අරුම කාලයට
හෙට දිනය අද දිනට වඩා හොඳ වේවි යැයි
ඇත්තටම හිතුණු ඒ කාලයට
සිතුවිල්ල සැබෑ වුණු කාලයට
කාල යානයක නැග
හැකියාව ලැබේ නම් නැවත යා ගන්නට
කිසි දිනක ආපසු
නොම පැමිණ ඒ ලොවම ඉන්නට!
-රසික සූරියආරච්චි
(image: https://pelhamcommunications.com/art-pr-agency/blog/art-on-this-day-vincent-van-gogh/)
meaningful one
ReplyDeleteඒ කියන්නේ ජීවිතයට තේරුමක් තිේ‍රනවා කියා ද?
Deleteයන්නට ලැබේවා ආයෙත් අතීතෙට
ReplyDeleteපතනෙමි සුබ පැතුම් හිතවත ඔබ වෙතට
හැබැයි, නැවත පැමිණිනු පසු වත්මනට
කියාදෙන්න මට ගුරුකම, එහි යන්ට
යන්නට හැකි විදිය සොයමි
Deleteදැන ගත්තොත් යන්නට යමි
හැබැයි ගියොත් ආයෙ නොඑමි
ඔබේ නිවන ඔබටය හිමි!
නොයනු මැන අතීතයට
Deleteරාවණා ද පැමිණ සිටී කොළඹට
තාප්පය පුරාවට
ඔරවමින් සිටී අනේ මට
කාල යානයක් මදිවෙයි. Raw වුනත්.
ReplyDeleteබාග යානයක්වත්....
සෙන්ටිමීටරයක් ප්‍රමාණවත් කාලයක් තිබුණා, දැන් නම් සෙන්ටිමීටර් දෙකේ ඒවා දෙකකුත් මදි!
Deleteඅතීතයට කවුරුත් කැමතියි. ඒත් කාලය වේගෙන් ඉගෙලෙනවා
ReplyDeleteවිචාරක දියණිය
කියල වැඩක් නෑ ඒක නම්!
Delete