Tuesday 19 July 2016

බ්‍රිස්බේන් නගරයේ නිවාඩුවක් - I had a week off


මෙන්න විශේෂ ප්‍රවෘත්තියක්.

බිරිඳ ද, දරු දෙදෙනා ද සමග මම පසුගිය දා සතියක පමණ පොඩි පහේ නිවාඩුවක් ගත්තෙමි.

ඒ මා වෙසෙන සිඩ්නි නුවර හෙවත් සිනුවරින් කිලෝමීටර් 900 ක් පමණ උතුරු දෙසින් පිහිටි බ්‍රිස්බේන් නගරයේ ය. බ්‍රිස්බේන් යනු ඕස්ට්‍රේලියානු ෆෙඩරල් රාජ්‍යයේ ක්වීන්ස්ලන්ත ප්‍රාන්තයේ අගනුවරයි.

වංගු ගැසෙමින් ඇදී යන බ්‍රිස්බේන් නදිය දෙපස පිහිටා ඇති බ්‍රිස්බේන් නගරය මනරම් පුරවරයකි. බ්‍රිස්බේන් කරා ගුවනින් ගිය අප නගර මධ්‍යයේ ම නවාතැන් ගත් නිසා, හිතේ හැටියට එපුර සිරි විසිතුරු දැක බලා ගැනීමට හැකි විය.



අප පසුගිය ජූලි 12 දින නගරයට ළඟා වූ මධ්‍යහන්‍යයේ සිට ජූලි 17 සවස දෙකේ හෝරාවට ඉන් පිටවූ මොහොත දක්වා, මා කිලෝමීටර් 50 ක් පමණ, දිනකට කිලෝමීටර් දහයකට වැඩි ප්‍රමාණයක් ඇවිඳින්නට ඇත.



බෑගයක දැමූ ඇඳුම්වලින් ජීවත්වීමත්, තුන්වේලම කෙසේ වෙතත්, දිවා සහ රාත්‍රී ආහාර වේල් සියල්ලම ආපනශාලාවලින් කෑමත් හොඳ අත්දැකීමකි.

විවිධ භාෂා කතා කරන මිනිසුන් වසන, බහු සංස්කෘතික රටක් වන ඕස්ට්‍රේලියාවේ බ්‍රිස්බේන් නගරයේ දී ද, අපට එංගලන්ත, ජපන්, චීන, ස්පාඤ්ඤ, ඉතාලි ආදී විවිධාකාරයේ ආහාර වර්ග පමණක් නොව, අවසානයේ සෙනසුරාදා මිතුරෙකු ගේ නිවසේ දී, සුපුරුදු සිංහල කෑම වේලක ද රස බැලීමට ද හැකි විය.



බීම ගැන සඳහන් කළහොත්, මම තේ, කෝපි, වයින්, ස්පාඤ්ඤ සැන්ග්‍රියා, ක්වීන්ස්ලන්ත බියර් සහ ජපන් බියර්වලින් ඔබ්බට නොගියෙමි.



කටට කෙළ උනන නිසා, අතුරුපස ගැන නම් වැඩි විස්තර නොලියමි.



බ්‍රිස්බේනයේ අප ගත කළ දින හය ඉතා ඉක්මනින් ගෙවී ගිය අතර, සිනුවර බලා අප පිටත් වූයේ තරමක දුකෙනි.

සතියක් පමණ කාලයක් තිස්සේ රසිකොලොජියේ කලින් ලියා සැකසූ ලිපි පළ කරමින් ජාම් බේරා ගත්තද, ප්‍රතිචාරවලට ප්‍රති පිළිතුරු දීමට කාලයක් සොයා ගත නොහැකි වීම ද තරමක දුකක් ගෙන දුනි.

ඊටත් වඩා දුකක් දැනුණේ ඉරිදා රාත්‍රියේ නිවසට පැමිණි පසු, ගමන් විඩාව මැද ම, පසුවදා සේවා ස්ථානයට යාමට ඇති බව සිහිවීම නිසා ය.

අවසානයේ සිදුවූයේ හිසරදයක් සමග අවදී වී තවත් පැය හතරක් ම සයනයේ ම "චක්-එ-සීකී" මුද්‍රාවෙන් ගත කිරීමටයි.

-රසිකොලොජිස්ට්

ප/ලි:
දශක කිහිපයක් පැරණි මගේ හතේ පන්තියේ සිංහල පාඩමක මතකය නිවැරදි නම් මේ ලිපියේ මුල් වැකිය වන
බිරිඳ ද, දරු දෙදෙනා ද සමග මම සතියක පමණ පොඩි නිවාඩුවක් ගත්තෙමි
යන්න
බිරිඳ ද, දරු දෙදෙනා ද, මා ද සතියක පමණ පොඩි නිවාඩුවක් ගත්තෙමු
කියා ද ලිවිය හැකි ය.

40 comments:

  1. ඉතින් අපිට පාන්ද...

    ReplyDelete
  2. බ්‍රිස්බේන් නගරයේ 'කතන්දර' නමින් පාලමක් තිබීම අහඹු සිදුවීමක් මගේ හිතේ...

    ReplyDelete
    Replies
    1. ස්ටෝරි බ්‍රිජ් තරණය කළෙමු.

      Delete
  3. XXX මදිවට XXXX ම. ඒකත් ගෝල්ඩ්. හැක්..

    ReplyDelete
    Replies
    1. තිසර සමග පැයක්. හැබැයි පොර බිව්වේ පෙරෝනි.

      Delete
  4. රසික බෝ සෙවනක් යට ... සෝවාන් මාර්ග ඵල ලැබෙන්න බැරි නෑ බලාගෙන..

    ReplyDelete
    Replies
    1. කුස තණ මිටි අට නොලැබුණි.

      Delete
  5. මවුන්ට් කූතා නැග්ගද ?

    ReplyDelete
    Replies
    1. නැග්ගා න කියන්න බෑ කාර් එකක ගිහින් සිරි නරඹා රැට කාලා ආවා.

      Delete
  6. ඩ්‍රයිව් කරන්න තිබුනේ. ඕක ශෝක් ඩ්‍රයිව් එක. හැබැයි මග නැවතුනේ නැත්නම් ටිකක් මහන්සියි. එහෙම ආවනම් Pacific Motorway එකේ Brisbane එනකොට Gateway exit එකට කලින්, මට මතක විදියට Underwood Road හරියේ තියෙන 'බ්‍රිස්බේන් නුවර ඔබව සාදරයෙන් පිළිගනී' බෝඩ් එකත් බලාගන්න තිබුනා.

    ReplyDelete
    Replies
    1. කාර් එකේ ගියානම් නිවාඩුවෙන් දවස් දෙකක් ම යනවා ගමනට. මේ ක්‍රමය නරකම නෑ. මම සිනුවර සිට මෙපුර (මෙල්බර්න් පුරවරය) දක්වා නම් කාරය පදවා තියෙනවා කීප වතාවක් ම.

      Delete
    2. හොරා , මටත් නොකියම තනියම මෙපුර ගිහිල්ලා. ඔය හරීම නරකයි.

      Delete
  7. රසික පුතා බිරිඳගෙනුයි දරු දෙදෙනාගෙනුයි පොඩි නිවාඩුවක් ගැනීම අනර්ඝයි. මාත් කැමැතියි ඒ වගේ නිවාඩු ගන්න ඒත් හාමිනේ මගේ කරේ එල්ලිලාමයි ඉන්නෙ කොයි යනවද බලාගෙන.

    සිඩ්නි නුවර = සිනුවර නම් බ්‍රිස්බේන් නුවර = බ්‍රිනුවර නේද?

    රුචිර ජාතිකවාදී කියන්නේ මගේ කොරියාවේ ඉන්න පුතාටයි. අංක එකේ ජාතිකවාදියෙකි. මට ආඩම්බරයි ඌ ගැන.

    මීට, කුමාර දිප්පිටිය මයා
    ගරු ලේකම්,
    තරුණ බෞද්ධ සංගමය,
    කොපුර
    රනුවර.

    ReplyDelete
    Replies
    1. සිඩ්නි සිංහල කවියෙකුවන හෙන්රි කුමාරප්ඵෙරුඟ සිනුවර කියන නම යෙදුවේ කවි වලට සිඩ්නි කියා යොදා ශබ්ද රසය මැවීඟ අසීරු නිසයි. මෙල්බර්න් පුරයට ඟෙපුර කියා ඒ ආකාරේ‍රන් ම, සිසිර දිසානායක නමක් යෙදුවා. එය වැඩි භාවිතයක් නෑ.

      බ්‍රින්දාවනය වැනි සමීප වචන ඇති නිසා බ්‍රිස්බේනය යන්න කවි සඳහා නරකම වචනයක් නොවෙයි.

      Delete
    2. රසික, ඔන්න ඔය සිනුවර මෙපුර එව්වා මෙව්වා ඔක්කොම රෙජිස්ටර් කරලා දාන්න මයෙ දෙයියෝ. රෙජිස්ට්‍රාර් ජනරාල් කන්තෝරුවක් ඔහෙත් ඇතිනේ. එතකොට සුද්දොන්ටත් හොඳට ශබ්ද රසය එන්න poem එහෙම ලියන්ඩ බැරිය.

      Delete
    3. ඒ ඒ නම් සෑදූ අය ඒවා ලියාපදිංචි කරාවි.

      මෙන්න සුද්දන් ගේ නගරවලට ඇති වෙනත් නම්-
      https://en.wikipedia.org/wiki/List_of_city_nicknames_in_the_United_Kingdom

      Delete
    4. මෙන්න නිව්යෝක් නගරයට ඇති වෙනත් නම්-
      https://en.wikipedia.org/wiki/Nicknames_of_New_York_City

      Delete
    5. අනේ පව්!
      ඔටාවා නගරයට නම් වෙනත් නම් නෑ වගේ. ඇනෝ දාන්නකෝ නමක් දෙකක්!
      https://en.wikipedia.org/wiki/History_of_Ottawa

      Delete
    6. සිරා,
      New York කියන එක සාමාන්‍යයෙන් මෙහෙ කියවෙන්නේ නියුයෝක් (W අකුර කියවෙන්නේ නෑ). New York ප්‍රාන්තයේ අග නුවර New York City. එකට ඔය nicknames තිබුනට ඒවා මේ නම කියවගන්න බැරුව හෝ ශබ්ද රසය එන්න දාපුව නෙමේ.
      ආ මේ කියන්න බැරි උනානේ 'සිරා' කිව්වේ -- සි(නුවර) ර(සික) + ඇලපිල්ල අර ඔයාගේ ශබ්ද රසය ගන්න. ඔයා හරි කැමතිනේ නම් දාන වැඩ වලට.
      IP එක එන්නේ ඔටාවා කියලද. ඔටාවා නගරය ගැන නම් මට වැඩක් නෑ. මොකද මම ඉන්නේ රොචෙස්ට (Kodak ගැන දන්නවනම් රොචෙස්ට ගැන දැනගන්න ඕනේ). ඔන්ටාරියෝ විලෙන් (පංච මහා විල් වලින් එකක් )එහා පැත්තේ තමා ඔටාවා තියෙන්නේ. මට මතක විදියට එහෙ කියන්නේ ඕටොවා කියල. (සුද්දෝ ලියන්නේ එකක් කියන්නේ එක, cut කට් නමුත් put පුට් ). මම දන්නා කීප දෙනෙක් ඉන්න ඔටාවා වල. හොඳ මිනිස්සු, අනුන්ගේ දේවල් සොයන්න හරි අකමැතියි. අනික ඔටාවා වල අයට සිරාලට වගේ එච්චර ලොකු (pk)අමාරුවක් නැතුව ඇති ඔය නම් වෙනස් කර කර ඉන්න . මම අහල තියෙන විදියට සුද්දෝත් (English and French both) ඔය ඔටාවා කියන native නම වෙනස් කලේ නෑ. තව ලොකු එහෙව් එකේ ලංකාවෙන් ගිය උන් ඒක වෙනස් කරන්න කතා කරන එකත් පට්ට joke එකක් වේවි. නැද්ද මං කියන්නේ.
      You have a ගුඩායි මේට් !

      Delete
    7. ඔටාවා නෙවෙයි වාහෙ, ඕටවා. ඕ උඅන්න ටිකක් ඇදලයි කියන්නෙ.

      Delete
    8. අම්ම්මට හුඩු, වාහෙට හොඳටම මල, නිකම් මල නෙවෙයි පුෂ්පය, සුදු ට්‍රිලියම් පුෂ්පය!!
      go easy, mate!

      Delete
    9. @ Anonymous 21 July 2016 at 01:40

      /* ඔයා හරි කැමතිනේ නම් දාන වැඩ වලට. */

      මේ නම් මා නිපදවූ ඒවා නොවේ. ඒ ගැන අයුතු ප්‍රසාදයක් බාර ගැනීමට මට අවශ්‍යතාවයක් නැත.

      සිඩ්නි නුවර සඳහා සිනුවර නම පබැඳුවේ හෙන්රි කුමාරප්පෙරුම ය.
      මෙල්බර්න් පුරය සඳහා මෙපුර නම සිසිර දිසානායක ගේ නිමවුමකි.
      http://rasikalogy.blogspot.com/2015/04/sydney-renamed.html


      Delete
  8. සිනුවර ජයගත් රසිකයිය බ්‍රිනුවර වන්දනා කරනව දැකීම රසිකයියගේ රසිකයන්ට සතුටක්!රසිකයියට නිවාඩු වෙලාවක අපිටත් බෝට්ටුවක නැගිල එන් නැතුව බ්‍රිනුවර වන්දනා කරන විදිහක් ලියන්ට හොඳේ.

    ReplyDelete
    Replies
    1. බෝට්ටුවකින් බ්‍රිස්බේන් යාමට වඩා පර්ත් යාම ලේසි වෙයි.

      Delete
  9. මගේ ප්‍රියතම ඔස්ට්‍රේලියානු නගරය.

    ReplyDelete
    Replies
    1. ඇත්තටම නගරය ඉතා සිත් ගන්නා සුළුයි. නගරය මැදින් යන ගඟ තමයි ප්‍රධාන හේතුව. සිඩ්නිවල ගඟ නිසා නගරය දෙකඩ වෙලා තිබුණත්, බ්‍රිස්බේන් හරියේ දී ගඟ පටු නිසා, එය අලංකාරයක් ම වෙලා!

      Delete
    2. මතකද මීමන කවියත් ඕකම කියල තිබුණා. ඒ ගම මැදින් ගලනා ගඟ මනහරය කියලා.
      ඉතින් බ්‍රිස්බේන් වල කඩමණ්ඩිය තියෙන්නෙත් ගම කෙළවරද?

      Delete
    3. PHS! , ඔයත් දන්නා දේවල්.

      Delete
  10. එකම රටේ නගර දෙකක් අතර දුර කිලෝමීරර් 900ක් කියන්නේ ලේසි වැඩක්ද.

    ReplyDelete
    Replies
    1. අනේද කියන්නෙ

      Delete
    2. දිනේෂ්,
      මේ ප්‍රාන්ත දෙකක ප්‍රධාන නගර දෙකකි. හරියට රෝමා සහ මිලානෝ වැනිය.
      සිඩ්නි සහ බ්‍රිස්බේන් අතරතුර වෙනත් නගර රාශියක් ඇත. උදාහරණ ලෙස නිව්කාසල්, කොෆ්ස් හාබර්, පෝට් මැක්වාරි, ග්‍රාෆ්ටන් සහ ගෝල්ඩ් කෝස්ට් දැක්විය හැක.

      Delete
    3. 2008 ජූලි මාසයේ මෙ‘නුවර සිට සි‘නුවර දක්වා බස් රියක යන්නට සහ අාපසු එන්නට ලැබුණා. විශාල තණ බිම්, කඳු පන්ති, බැටලු රංචු දකිමින් ගිය ඒ ගමන මගේ ජීවිතයේ දීර්ඝතම ගමන.. සුන්දර මතකයක්...

      Delete
  11. බ්‍රිස්බේන් යද්දි රසික ගිහින් නැද්ද "Gold coat  " සහ water theme park වලට ( wet & wild is the best one as I felt ) .. පොඩි අය විතරක් නෙමේ ලොකු අයටත් ( වතුරට බය නැති ) නියම තැනක්..

    මම අර කලිනුත් කිව්ව මාමා ඉන්නේ බ්‍රිස්බේන්.. ඒ වගේම ගිය මාසේ මගේ අක්කා කෙනෙකුත් ආවා සිය පවුල සමඟම පදිංචියටම බ්‍රිස්බේන් වල...

    ReplyDelete
    Replies
    1. මාමා කිව්වෙ අම්මගෙ බාලම මල්ලිද?

      Delete
  12. "බඩගිනි" නමින් ඔබ සිටින රටේ නගරයක් තිබෙනවා නේද ? ඒ නම හැදුන හැටි දන්නවාද?

    ReplyDelete
  13. රසික මහත්තයා, සිනුවර ගැන හෝ බිස්බ්‍රෙින් නුවර ගැන මොනවා ලිවිවත්, දිවි ගෙවූවත් සිනුවර "සිගාකන්නන්ගේ නගරය" ලෙස පින්තූරයක් සමග මූණු පොතේ පිටුවක ගෝවින්දන් යන නමට සමාන අයකුගේ ඉංගිරිසි කවියක් අමාරුවෙන් ගූගල්්පරිවර්තනයෙන් කියෙවිවා ඒ කතාවෙි ඇත්තක් තිබෙි ද? සිනුවර හිගන නුවරක් ද?

    අපිට කොයින් ද සිනුවර එන්න වාසනා ඔපෙරා බල්න්න! පොඩි පුතාගේ දැඩි ආසාවක්

    මෙයට

    ඒ ගුණරත්න
    හෙවත් සිරිපුර මාමා
    අංක 18
    සිරිපුර
    අනුරාධපුර හරහා

    ReplyDelete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.