Wednesday 25 May 2016

ජෝර්ජ් ලොක්කාට කන්න යමක් දෙමු - Sri Lankan Samosa?


මීට පෙර දෙවසරක පමණ කාලයක් ඇතුළත හතර පස් වරක් රාජකාරි රැස්වීම්වලදී හමුවුණු අවස්ථාවලදී සහ දුරකථනයෙන් කතා බස් කර හඳුනන මගේ රාජකාරි සගයෙකු, මීට සතියකට පෙර අපේ ආයතනයේ සිදුවුණු කාර්යාල ස්ථාන මාරුව නිසා, දැන් දිනපතා ම පාහේ මුණ ගැසේ.

මම මෙහිදි ඔහුව ජෝර්ජ් කියා හඳුන්වන්නෙමි. එය ඔහු ගේ සැබෑ නම වීමට ඉඩ ඇත. එක්සත් රාජධානියෙන් සංක්‍රමණය කළ හෝ එසේ සංක්‍රමණය කළ අයගෙන් පැවත එන බොහෝ ඕස්ටේ‍ර්ලියානු පිරිමින්ට ඇත්තේ ජෝන්, මාක්, පීටර්, ලූක්, ඩේවිඩ් හෝ ජෝර්ජ් වැනි මුල් නමක් නිසාත්, මේ කථාවේ කිසිදු අවකැපෙන දෙයක් නැති නිසාත්, එහි අවුලක් නැත.

රාජකාරී කටයුතු සඳහා මුණ ගැසෙන විට මෙන් නොව, ඕනෑම අයෙකු දිනපතාම පාහේ මුණ ගැසෙන විට එදිනෙදා කරුණු පිළිබඳව සුහද කතාබහක යෙදෙන්නට අවස්ථාව ලැබෙන බව නොරහසකි. එනිසා, ජෝර්ජ් සහ මා අතර අලුත් සේවා ස්ථානයේ අප ගතකළ හැම දිනකම සුලු-සුලු කතාබහ ඇති විය.

"වැඩට-ඉඩ" ක්‍රමයට සේවය කරන අපේ කාර්යාලයේ ඊයේ දවසේ අප දෙදෙනා පාවිච්චි කළ සේවා මේස පිහිටියේ දුරින් වුවද, තේ කෝප්පයක් බීමට මා කුස්සි කෑල්ල පැත්තේ ගිය මොහොතක ජෝර්ජ් මා කතාවට වැටුණේය.

"උඹලා ගෙදර සමෝසා හෙම හදනවා ඇති නේද? ඒවා මාර රහයි. හැදුවාම දවසක ගෙනෙං ඔෆීසියට!" ජෝර්ජ් කීවේ ය.

නොදන්නා අය සිටීනම් ඔවුන් ගේ පහසුව පිණිස කිව යුත්තේ සමෝසා යනු ඉන්දියානු කෑමක් බවයි. මේවා මැදට එළවළු, අල, මස් හෝ මාළු දමා සාදන පේස්ටී්‍ර හෝ පැටිස් හෝ වැනි වර්ගයකි.

"මං සමෝසා ගැන දන්නවා. නමුත් ඒක ඉන්දියන් කෑමක්. මම ශ්‍රී ලංකාවෙන් ආවේ. අපේ ගෙවල්වල සමෝසා හදන්නේ නෑ ඕයි!" මම කීවෙමි.

"ආ ඇත්තද? ඉතිං ඉන්දියාවයි ශ්‍රී ලංකාවයි නිකං සේම් සේම් නොවෙයිද?" ජෝර්ජ් ඇසුවේ ය.

"අපෝ නෑ, අපි වෙනස් බං!"

"එතකොට, ලංකාවේ නැද්ද ඒ වගේ කෑමක්?"

සමෝසාවල රසයට සමාන රසයක් ඇති ලංකාවේ කෑම ලෙස මට හිතා ගත හැකිවූයේ කට්ලට්, පැටිස්, රෝල්ස් සහ වඩේ වැනි දේ ය. නමුත් ඒවා තනිකරම ශ්‍රී ලාංකික යැයි කිව හැකිද?

කියුබාකාර, ප්‍රිසමාකාර, පිරමීඩාකාර ආදී විවිධාකාරයෙන් සැදෙන එළවළු රොටී, මස් රොටී මෙන්ම මාළු පාන් ගැන ද ඒ පැනය ම නැගේ.

හැලප, අග්ගලා, වැලිතලප ගැන මට සිහිවුණු නමුත්, ඒවා රසකැවිලි මිස කුළුබඩු යෙදූ එළවළු හෝ මාංශ සහිත අතුරු කෑම නොවේ.

ජෝර්ජ්ට දිය හැකි නිසි පිළිතුරක් ගැන මම තවමත් සිතමි.

ආප්ප, ඉදිආප්ප පමණක් නොව අවුරුදු මේසය සරසන කැවුම්, කොකිස් වැනි රසකැවිලි වර්ග ද විදේශීය මූලාශ්‍ර ඇති ඒවා වන කල්හි, මුළුමනින් ම ශ්‍රී ලාංකික වූ සමෝසා වැනි කෑමක් ඇති යැයි සිතීම විහිළුවක් පමණක් ද?

-රසිකොලොජිස්ට්

48 comments:

  1. ඇත්තෙන්ම අපි හරි ඉන්ටනැෂනල් ජාතියක්, වෙනත් අයගේ දේවල් අපේම කර ගෙන.

    සමෝසා එකට මිරිස් ගොඩාාාක් දාලා ජෝර්ජ්ට දෙන්න ඒක තමා ශ්‍රීලාංකික අනන්‍යතාව.

    ReplyDelete
    Replies
    1. මිරිස් නෙමෙයි ශ්‍රී ලාංකික අනන්‍යතාවයට නම් දාන්ඩ ඕනැ ගම්මිරිස්.
      මොකද මම කියවල තියෙනවා මිරිස් ලංකාවට ආවේ පහු කාලෙක කියල.

      Delete
    2. ගම්මිරිස් දාපු තැම්බුම් හොද්දක් තමයි දෙන්න වෙන්නේ!

      Delete
  2. ලොකු උන්නැහේ ඔහේ දැන් සුද්දට සමෝසා හරි මොනවා හරි කවාවී . ඔය සුද්දා මොනවද ඔහෙට කවන්නේ ඊට පස්සේ ? කැන්ගරු බාබකිව්ද ?

    ReplyDelete
  3. කවන්න සමපෝශ... අපේ රටේ සාඩම්බර නිපැයුමක්..

    ReplyDelete
  4. වැඩ කරන්නේ Parrammatta නේ.ඉන්දියන් කඩ තියන තැනකින් සමෝසා 2 ක් ගෙනත් දෙන්න ජෝර්ජ් අයියාට

    ReplyDelete
  5. රසික පුතා ලියා තිබේ සමෝසා ගැන අද
    පර සුද්දට දීල තිබේ රිදෙන්න උගෙ බඩ
    හෙළ ජාතික උරුමය ගැන අදමිටු සුද්දට
    කියලා දුන් රසික පුතා වැජඹේ දින දින

    මුනි තුන් වරක් වැඩි මේ පින් බර දේසේ
    වියළුණු දණ්ඩ වුව පැළවෙන මේ දේසේ
    උරුමය අපෙයි මේ පින් බර ලක් දේසේ
    සුද්දගෙ වෙඩි කකා සුරකිමු මේ දේසේ

    ඕස්ට්‍රෙලියාවෙ ඉන්නා දෑ හිත පුත්තු
    පේස්බුක් ලියා රට දැය රැක ගත්තු
    බ්ලොග් ලිය ලියා රට දැය නංවන පුත්තු
    සැමදා දිනේවා ඕස්ට්‍රෙලියාවෙ ලුත්තු

    මීට, කුමාර දිප්පිටිය මයා
    ගරු ලේකම්,
    තරුණ බෞද්ධ සංගමය,
    කොතලාවලපුර
    රත්මලාන.

    ReplyDelete
    Replies
    1. දික්තලා නැන්දාව මතක් කළා කියන්න.

      Delete
  6. මට මේවගේ සිදුවීමක් බොහොම කාලයකට පෙර සිදුවුනා. යම් ආපන ශාලාවකදී මම සිට් මේසයට එහා මේසයේ සිටි බටහිර රටක කාන්තාවක් මෙනූ පතේ ඇති ශ්‍රී ලංකා අතුරුපස මොනවාදැයි විමසුවා. එහි තිබුනේ වටලප්පන්, අයිස් ක්‍රීම්, ෆෘට් සැලඩ් ආදී දෙයයි. අඩුම තරමේ කිරි පැණි වත් තිබුණේ නැහැ. මෙම ප්‍රශ්ණයට පිළිතුරක් සොයා ගන්න බැරිවුණා. කැවුම් වැනි ආහාර ගත්තත් ඒවා අතුරුපස නෙමෙයි. නුගගම නම් ආපනශාලාවේ කවදාවත් දැක හෝ අසා නැති ලාංකික අතුරුපස වර්ග වරක් දුටුවත් ඒවා සාමාන්‍ය ආපන ශාලා වල නැහැ.

    රසිකට ඇති එක විකල්පයක් නම් කැවුම්, මුං කැවුම් වැනි අතුරුපසක් ඔහුට ලබා දීම.

    ReplyDelete
    Replies
    1. කැවුම් පැනි රහයි නේ? ජෝර්ජ් අහන්නේ සේවරි කෑඟ ගැන, අර ෂෝටීස් කියන්නේ!

      ගම්මිරිස් අග්ගලා තමයි දෙන්න වෙන්නේ!

      Delete
    2. අර සිරීපාදේ යනකොට‌ ගෙනියන කට දැවිල්ල, බත් වේලල, කුඩු කරල හදන අග්ගල ජාතිය නං මං හිතන්නෙ ලංකාවෙ කෑමක්...

      එහෙම නැත්තං කොස් ඇට ඇග්ගලා.. අන්න මරු කෑම... මෙන්න රෙසිපිය...
      කොස් ඇට අග්ගලා

      Delete
  7. කසිප්පු ටිකක් දෙන්න අයියේ! පුල් සිරි ලන්කන්!

    ReplyDelete
    Replies
    1. ඒ කෑමට පෙර බොන පනු බේතක් නේද?

      Delete
  8. සමෝසා මං හිතන්නෙ දැන් ලංකාවෙ තරමක් ජනප්‍රිය කෑමක්. ඒත් මම ඒව කාල නැහැ. මගේ දැනුම තිබුනෙ සමෝසා කියන්නෙ ත්‍රිකෝණාකාර කෑමක් කියන එක විතරයි.
    ටික දවසකට කළින් මම පවුලේ අයත් එක්ක ගමනක් යද්දි තේ ටිකක් බොන්න කියල හෝටලයකට ගියා. එතන තිබුනා ත්‍රිකෝණාකාර කෑමක් සහ රෝල්ස්. ඉතින් මං අර ත්‍රි කෝණාකාර කෑම ජාතියෙන් එකක් කෑවා. ඒවා සමෝසා කියල මං හිතුවෙ. පස්සෙ චූටි දුව කිව්වා තාත්තෙ ඕව සමෝසා නෙමෙයි කියල. ඉතින් මේ කෑම වර්ගයෙ නම දැනගන්න මා ඕනැ වුනා. කෑම කාල තේ බීල බිල ගෙවන වෙලාවෙ මං වේටරයට අතින් කෑම වර්ගය පෙන්නලා මේකෙන් දෙකයි රෝල්ස් තුනයි තේ හතරයි කිව්ව. කියල මිනිහගෙ පස්සෙන් මුදලාලි ළඟට ගිහින් බලාගෙන හිටිය බිල හදනකොට දැන් මේකෙ නම කියයිනෙ කියල.
    අනේ වේටරයා මුදලාලි එක්ක කිව්වෙ රොල්ස් තුනයි, ෂෝටීස් දෙකයි පෙලෙන්ටි හතරයි කියල.
    (කෞට්ස්කිට මොකද වුනේ?)

    ReplyDelete
    Replies
    1. නොදන්න දේ අසා දැන නොගන්නේ ඇයි?
      මුදළාලි දන්නවා විය යුතුයි.

      Delete
  9. Replies
    1. ඒ දෙකම කේරළ කැම නේද?

      Delete
    2. ඉලායි අඩායි (Elai Adai) සහ ඉලයප්පම් (Ilayappam)

      Delete
  10. අපේ රටේ (සිරි ලංකාවේ) ප්‍රධාන ආහාරය බත්. අතුරු කෑම හැටියට සමෝසා වගේම තුන්හුලස් නැති වුනත්, Unknown25 May 2016 at 15:13 කියනව වගේ හැලප, ඉඹුල් කිරිබත් වගේ දේවල් වගේම කුරහන් තලප, කුරහන් රොටී, කැඳ වර්ග එහෙම සළකන්න පුළුවන්.

    විවිධ රටවල කෑම වර්ග අතර එකට-එක අනුරූපතාවක් නොමැති බව සැළකිය යුතුයි.
    මෙතනට අදාළ නැති වුනත්, විවිධ භාෂාවල වචන අතරත් එකට එක අනුරූපතාවක් නැති බවත් මතක තබාගත යුතුයි.

    ReplyDelete
    Replies
    1. මචං හැලප, ඉඹුල් කිරිබත් කියන්නේ පැනි රස කැම නේ.
      සමෝසා නිකං පැටිස් වගේ එකක්.

      Delete
  11. සියරට දේ- සිරි සැප දේ......රසික ලොවෙත් නැති- ලොවි ගහෙත් නැති 'සීනි සම්බල් පාන්' දීලා බලන්න. වෙරි සිම්පල්..සොෆ්ට් බ්‍රෙඩ් රෝල් එකක් අස්සට සීනි සම්බල් දැම්මා...ජෝජ් බොක්කෙම පොරක් නම් ඒ මැද්දට බෝත් සයිඩ්ස් ෆ්‍රයිඩ් එග් එකක් දැම්මා. ගේම් ක්ලෝස්!!!!

    ReplyDelete
    Replies
    1. ජෝර්ජ් අහයි වියට්නෑම් බ්‍රෙඩ් රෝල්ස් ද කියලා!

      Delete
    2. මේ කමෙන්ටුව දැක්කාම මගේ කටට කෙල ඉනුවා!

      Delete
  12. රසික ඇද්දොත් අදින්නේ අපේ අනන්‍යතාවෙට රිදෙන මාතෘකාවක් මයි නේද? ඇත්තටම අපිට කියා රස කැවිලි කීපයන් හැර වෙන මොනවත් නෑ නේද? දූපත් වාසීන් වීමේ අරුම, මිහිදු වෙනුවට අශෝක ගේ දුවක් සහ පිරිවරියන් ආවානම් වෙනසක් වෙන්න තිබ්බ නේද?

    ReplyDelete
    Replies
    1. ඇයි ඇණයෝ සංඝමිත්තා කියන්නේ අශෝක ගේ දුව නේන්නම්!

      Delete
  13. එයාට දෙල් බැදලා, වෙරළු අච්චාරු එක්ක කන්ඩ දෙන්න :P

    ReplyDelete
    Replies
    1. ඔලිව් සහිත ඇන්ටි-පාස්ටෝ දෙන්නත් හැකියි!

      Delete
  14. රසික.....ඔයිට වඩා ලේසියි ශ්‍රීලංකා ඉන්ඩියා සේම් සේම් කියලා ලඟ කඩේකින් සමෝසා එකක් හරි පකෝරා ටිකක් හරි ගිහිල්ලා දෙන්න. කොහොමත් ඉතින් සේම් සේම් වැඩ ගොඩක් තියෙනවනේ.

    ReplyDelete
    Replies
    1. අරවින්ද් අඩිගා ගේ වයිට් ටයිගර් පොත කියවලා ඇති නේ!

      Delete
    2. ආසාවෙන් කියවපු පොතක්!!!!

      Delete
  15. පැණි දාපු දෙල්අටුකොස් ටිකක් එවන්නද පොරට දෙන්න.

    ReplyDelete
    Replies
    1. දෙනවා නම් දීපන් ජාපාල ටිකකුත් දාලා

      Delete
    2. පැනි රස නොවෙයි කට ගැස්මක් හොයන්නේ!

      Delete
  16. වඩේ ටිකක් දීල බලන්න..ශ්වේතඡර්මධාරීහු පරිප්පු වඩේ වලට බොහොම මනාප බව ආරංචියි..
    ජයවේවා..!!

    ReplyDelete
    Replies
    1. වඩේ කියන්නේ දකුණු ඉන්දියානු කෑමක් නේ!

      Delete
  17. Sri Lankans and Indians NOT same same කියලා දැන්නම් aussieලා දන්නවා නේද. මීට අවුරුදු දහයකට විතර උඩදී අපෙන් එක්කෙනෙක් ඔය ප්‍රශ්නේ අහල මගේ යාලුවෙක් ඇහුවා Aussie and Kiwi same same ද කියල. අරුගේ කට වැහුන නිකන්ම.

    ReplyDelete
    Replies
    1. නමුත් කෑම බීම ගැනනේ ජෝර්ජ් කාරයා ඒ කිව්වේ.

      ෆිෂ් ඇන්ඩ් චිප්ස් සහ බීෆ් ස්ටේක් කොයි රටෙත් එකයි.

      Delete
  18. මගේ නම් ප්‍රියතම කෑම තලප

    ReplyDelete
  19. කේරළ ඉලයප්පම් ඉඹුල් කිරිබත් වලට බොහෝ සමානයි.

    http://www.lekshmisadukkala.com/2012/01/ilayappam-ila-ada.html

    ReplyDelete
  20. කිරිබත් අපේම දෙයක් විදිහට කියන්න පුලුවන්ද?.

    ReplyDelete
  21. සමාන සිද්දියක් උනා , යු.කේ වල එකෙක් ඉන්දියාවටත් ගිහින් එහෙත් වැඩ ඉවර කරලා ආව ලංකාවට , කෑම වෙලාවේදී මු ලංකාවේ කෑමක් ඉල්ලලා එතන හිටි අපේ වැඩිමල් එකා අරුට කොත්තුවක් ගත්තේ, මන් ඉතින් කියන්නත් ගිහින් එක්කෝ කට වහ ගත්ත නිකම් මොකටද කියල -_-

    ReplyDelete
  22. =වඩේ කේරල උන් කියන්නෙ වඩා කියලා.

    ReplyDelete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.