Tuesday 1 November 2022

ටියුෂන් මුදලාලි හාමිනේලා නැත්තේ ඇයි සහ ජවිපෙ ආණ්ඩුවක ටියුෂන් කෙසේ වේද? - Answer if you can!


මේ ඡායාරූපය දැක්කාම හොඳටම හිනා ගියා. ඒ 2022 පෙබරවාරියේ දී. මේ සටහන ලිව්වේත් ඒ නිසයි. මේක රසිකොලොජියේ පළකරන අදත් තරමක් හිනා ගියා.

ලංකාවේ ටියුෂන්කාරයින් විසින් තමන් ම උත්සවයක් පවත්වලා තමන් ම තමන්ට ම සම්මාන ප්‍රදානය කරගෙන.

මේ ඡායාරූපයේ දැක්වෙන සම්මානය ලබා ගන්නේ පේරාදෙණිය ඉංජිනේරු පීඨයේ ඉගෙන ගෙන විදුලි සහ ඉලෙක්ට්‍රොනික ඉංජිනේරු උපාධිය ලබාගත් කීර්ති ධර්මසිරි විසින්. කීර්ති මට වඩා වසර කිහිපයක් ජේෂ්ටයෙක්.

සම්මානය දෙන්නේ නම් මොකාද කියා අමුතුවෙන් කියන්න ඕනෑ නෑ නේද? අන්න හරි, ඌ තමයි.

කීර්ති ධර්මසිරි මේ උත්සවය පැවැත්වෙන්නට කලින් සතියේ ජාතික ජනබලවේගයේ කුරුණෑගල දිස්ත්‍රික් රැස්වීමේ ස්ටේජ් එකේ හිටියා විය යුතුයි. මට ඇහුණා දෙපාරක්ම පූරකයා නම කියනවා. (හැබැයි අනුර දිසානායකට නම්, මට ඇහුණු විදිහට, නම වැරදුණා.)

ෆොටෝ එක දැක්කහම හිනා ගියේ කීර්ති ධර්මසිරි හින්දා නොවේ. මෙතැන සියයට සීයක්ම ඉන්නේ මිනිස්සු නිසා යි.

සාමාන්‍ය පාසැලක ගුරු මණ්ඩලයක් ගත්තොත් බහුතරයක් ගෑනු. හැබැයි ටියුෂන්කාරයින්ගෙන් සියට සීයක්ම මිනිස්සු. මේක අද ඊයේ තත්වයක් නොවෙයි මම උසස් පෙළ විභාගයට සූදානම් වෙන කාලෙත් තත්ත්වය ඒකයි.

පාසැල්වල අධ්‍යාපනය හොඳ නෑ කියන්නේ සහ ළමයින්ට විභාග පාස් වෙන්න නම් ටියුෂන් යන්න ඕනෑම ය කියන්නේ ඒ නිසාය කියා කාට හරි තර්කයක් ගොඩ නගන්න පුළුවන් නේද?

එහෙම තර්ක කළොත් වැරදි ද?

ටියුෂන් ව්‍යාපාරයක් කරන්න අධ්‍යාපන දැනුම විතරක් මදිනේ. අර enterprenurship හෙවත් ව්‍යවසායකත්වය කියන එකත් තියෙන්න ඕනේ. ගෑනු ටියුෂන් ව්‍යාපාර නොකරන එකෙන් කියවෙන්නේ ගෑනුන්ට ඒ ව්‍යවසායකත්වය නැහැ කියා ද?

දැවෙන ප්‍රශ්න!!!

-රසිකොලොජිස්ට්

ප/ලි:
හැබැයි එකක් පැහැදිලියි. ජවිපෙ ආණ්ඩුවක් ආවත් ටියුෂන් ව්‍යාපාර නම් නතර නොවෙන බව මේ උත්සවයෙන් පස්සේ තව පැහැදිලි වුණා. මොකද මේ ටියුෂන්කාරයින්ගේ සංගමේ නව සභාපති විදියට පත්වුණේ, මාත් සයිබරයේ හඳුනන, අධ්‍යාපනය අතින් ඔය කීර්ති ධර්මසිරිට සමාන පිරිමියෙක්. මට වඩා වසර කිහිපයක් කණිෂ්ඨයෙක්. රවීන්ද්‍ර බණ්ඩාර.

ටියුෂන් ගැන ද ලියවුණු වෙනත් සටහන්
1. කෙමිස්ට්‍රි ටීචර්ලා Chemistry is still a mystery
https://rasikalogy.blogspot.com/2016/12/chemistry-is-still-mystery.html


2. කෞෂල්‍යා ප්‍රනාන්දු ගැන කෙටි සටහනක් (ඇත්තට ම වෙනදා මෙන් ම අද මේ සටහන ද මා ගැන ම ය!) - Kaushalya Fernando (and me!)
https://rasikalogy.blogspot.com/2016/07/kaushalya-fernando-and-me.html


3. විභාගේ අභාගය - Tuition Pure, Tuition Bio, Chemistry, Physics!
https://rasikalogy.blogspot.com/2016/01/tuition-pure-tuition-bio-chemistry.html


(image: https://www.newsfirst.lk/2022/02/17/president-launches-green-teacher-website/)

8 comments:

  1. රසිකට IELTS ඉගැන්නුවේ නම් ගෑණු ටීචර් කෙනෙක් නේද?
    නිකමට ඇහුවෙ

    ReplyDelete
    Replies
    1. හැබැයි ඒ ප්‍රශනයෙන් ඔබ අදහස් කළේ මට පාසල් සමයේ සිට ඉංග්ලිෂ් ඉගැන්නුවේ කවුද කියන එක නම්:
      තුන්වෙනි ශ්‍රේණියේ දී (කොස්සින්න ක.වි.) - ගුරුවරයෙක්
      සිව්වෙනි/හතරවෙනි ශ්‍රේණිවල දී (කොස්සින්න ක.වි.) - වෙනත් ගුරුවරයෙක්
      හයවෙනි ශ්‍රේණියේ සිට නමවෙනි ශ්‍රේණිය දක්වා (ගලහිටියාව මධ්‍ය වි) - ගුරුවරියන් දෙදෙනෙක්
      දහවෙනි ශ්‍රේණියේ දී (ආනන්ද වි) - ගුරුවරියක්

      විශ්වවිද්‍යාලයේ පළමුවසර දී (පේරාදෙණිය වි.වි.) - ගුරුවරියක්

      Delete
    2. ඔබ නිවැරදියි. IELTS විභාගයක් තමා. ඒකට සුදානම් වෙන්න IELTS පන්තියකට ගියානේ. නේද?
      ඒකත් නිකමට ඇහුවෙ

      Delete
    3. පන්ති යාමට අවශ්‍යතාවක් නොතිබුණි. මා මේ විභාගය කලේ එක විද්‍යාලයෙන් පිටුවී අවුරුදු හතකට පමණ පසුව සංක්‍රමණය සදහා අවශ්‍ය වූ නිසා ය. මෙවැනි විභාග සඳහා ඒ කාලයේ පන්ති තිබුණා යැයි නොසිතමි.

      විශ්ව විද්‍යාලයෙන් පිට වූ අලුතම වාගේ ටෝෆල් නම් විභාගය කළ ද ඒ සඳහා ද පන්ති තිබුණා යැයි නොසිතමි.

      මෙන්න විස්තර.
      http://bit.ly/IELTSNaya

      Delete
  2. https://www.facebook.com/profile.php?id=100064912743156

    ReplyDelete
  3. TOEFL විභාගේ ෆේල් ද? ඒකට පෝස්ට් එකක් දැම්මේ නැත්තේ.
    මේකත් නිකමට ඇහුවෙ

    ReplyDelete
    Replies
    1. මං TOEFL කළේ පේරාදෙණිය විශ්වවිද්‍යාලයේ උපාධි ප්‍රදානොත්සවයෙන් වසරකට පමණ පසු පශ්චාත් උපාධිය සඳහා අයැදුම් කරන කාලයේ දී යි. මට මතක හැටියට ලකුණු 573 ක් මට ලැබුණා ඒ දිනවල ක්‍රමයට. විභාගයේ උපරිම ලකුණු 677 විය යුතුයි.

      මගේ IELTS ගැන ලිපියේ සඳහන් වෙන පරිදි මං IELTS විභාගය කළේ සංක්‍රමණය සඳහා අවශ්‍ය වූ නිසා තවත් අවුරුදු පහකට පසුවයි.

      Delete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.