ඕස්ට්‍රේලියාවේ නිව් සවුත් වේල්සයේ සංස්ථාපිත සිංහල සංස්කෘතික හමුවේ ලේඛක සංසදයේ වාර ප්‍රකාශනය ලෙස 2021 සැප්තැම්බරයේ දී නිකුත් කෙරුණු සිසිල මාසික සාහිත්‍ය සඟරාව 2023 සැප්තැම්බර් කලාපය නිකුත්වීම සමග තුන්වෙනි වසරට පා තැබූ බව සතුටින් දැනුම් දෙමි.
සිනුවර සිංහල යන අරුතෙන් “සිසිල” ලෙස නම් කෙරුණු මේ ප්‍රකාශනයේ මූලික අරමුණු වූයේ අපේ සාමාජිකයින්ගේ මෙන්ම ඕස්ට්‍රේලියානුවාසී සිංහලෙන් ලෙඛනයේ යෙදෙන්නන්ගේ නිර්මාණ සහ ලිපි ලෝකය පුරා සිංහල භාෂාව කියවන පාඨක පිරිස අතරට ගෙන යාම සහ පළ කිරීම සහ පොදුවේ සිංහල ලේඛනයේ ප්‍රගමනයයි. ඉතා ඉක්මනින් ම ලෝකය පුරා සිංහල පාඨකයින් අතර පැතිරී ගිය සිසිල මාසික සාහිත්‍ය සඟරාවට මේ වන විට ඕස්ට්‍රේලියාවේ, ශ්‍රී ලංකාවේ පමණක් නොව වෙනත් රටවල වෙසෙන ලේඛකයින්ගේ ද නිර්මාණ දායකත්වය ලැබේ.
සිසිල මාසික සාහිත්‍ය සඟරාවේ පළවෙන්නේ, විවිධ මාතෘකා යටතේ ලියවෙන තීරු ලිපි, කෙටිකතා, කාව්‍ය නිර්මාණ ආදියයි. ඒ සමගම, කොටස් වශයෙන් පළවෙන නවකතාවක් ද, ඔබේ වාග්-බලය අභියෝගයට ලක්කරන ප්‍රහේලිකාවක් ද අඩංගුය.
සිසිල මාසික සාහිත්‍ය සඟරාව සැකසෙන්නේ බලන්නට නොව කියවන්නට ය. මුද්‍රණයට නොව මූලිකව ම ඉලෙක්ට්‍රොනික තිරයක කියවන්නට ය. නෙත නොව සිත පිනවන්නට ය.
සඟරා පිටපත් සං‍රක්ෂණය සඳහා සකසා ඇති වෙබ් අඩවියේ [sisilamagazine.blogspot.com] සිසිල පෙර කලාප පළ කිරීම ආරම්භ වී ඇත.
සඟරාව සඳහා ෆේස්බුක් පිටුවක් [www.facebook.com/SisilaMagazine] ද, සඟරාවේ පාඨකයින් සඳහා ෆේස්බුක් කණ්ඩායමක් [www.facebook.com/groups/sisila] ද නිර්මාණය වී ඇත.
ඊ-මේල් හරහා නොමිලේ බෙදා හැරෙන සිසිල මාසික සඟරාවේ පිටපත් ලබා ගැනීමට කැමති අය
සිසිල මාසික සාහිත්‍ය සඟරාවේ මුල් වෙළුමේ කලාප දොළස, ඉහත සං‍රක්ෂණ වෙබ් අඩවියෙන් මෙන්ම පහත සබැදි ඔස්සේ ද කියවිය හැක.
ස්තුතියි.
රසික සූරියආරච්චි,
සංස්කාරක, සිසිල සඟරාව,
සංස්ථාපිත සිංහල සංස්කෘතික හමුව, නිව් සවුත් වේල්සය, ඕස්ට්‍රේලියාව
(image: )
