මම හැම සතියකම වරක් හෝ දෙවරක් යන නගර සභා පුස්තකාලයේ සතිපතා විශේෂ පොත් වර්ග ප්රදර්ශනය කරන තැනක් තියෙනවා.
පසුගිය දිනක එහි ප්රදර්ශනය කර තිබූ පොත් එකතුව වූයේ ලෝකයේ විවිධ රටවල විවිධ හේතු නිසා තහනම් කරන ලද පොත්.
මේ එයින් එක පොතක්.
and tango makes three
මෙය පින්තූර සහිත ළමා පොතක් නිසා තහනම් වූයේ කවර හේතුවක් නිසාද කියා දැනගන්න මට එය කියවා බලන්න හිතුණා.
එය කෙටියෙන් කියන්නට පෙර නොදන්නා අයගේ දැනගැනීම පිණිස කියනවා නම් මේ පොතට දී ඇති නමේ අඩංගු ටැංගෝ යන වචනය අදහස් කෙරෙන්නේ දෙදෙනෙකුවේ විසින් කරන ශෘංගාරාත්මක චලනයන්ගෙන් යුතු නැටුමක්. එය තනියම කළ හැකි නැටුමක් ද නොවේ. එනිසාම, It takes two to Tango යනුවෙන්ද කියමනක් තිබෙනවා එහි තේරුම සමාන වෙන්නේ අප්පුඩි ගහන්න අත් දෙකක් ඕනේ යන කියමනටයි.
ඇන්ඩ් ටැන්ගෝ මේක්ස් ත්රී ළමා පොතේ අන්තර්ගතය කෙටියෙන් මෙලෙසයි.
එක්තරා සත්වෝද්යානයක පෙන්ගුයින් කණ්ඩායමක් ඉන්නවා. මේ අය අතරින් තරුණ පෙන්ගුයින්ලා දෙදෙනෙකු හොඳ මිතුරන්. ඔවුන් හැම විටම පිහිනන්නේ, ඇවිදින්නේ, විවේක ගන්නේ එකට.
මේ දෙදෙනා නිරීක්ෂණය කරනවා තමන් සේම පෙන්ගුවින් දෙදෙනා බැගින් එකතුව සැරි සරන බවත් අවසානයේ ඔවුන්ට පෙන්ගුයින් පැටවුන් එකතු වෙන බව සහ එසේ වන්නේ ඒ පෙන්ගුයින් ලා යම්කිසි ස්ථානයක නොසෙල් වී දින ගණනාවක් සිටීමෙන් පසු බවයි.
මේ දෙදෙනා ද එසේ ම එක් ස්ථානයක නොසෙල්වී දින ගණනාවක් සිටියද එලෙස පැටවුන් ලැබෙන්නේ නැහැ.
මේ පිරිමි පෙන්ගුයින් දෙදෙනාට නොතේරෙන කාරණය තමයි ඒ අනිත් පෙන්ගුයින් යුගල ගෑනු පිරිමි පෙන්ගුයින් ජෝඩු බවත්, ඔවුන් එය කරන්නේ බිත්තර දමා ඒවා රැකීම බවත්.
මේ හැසිරීම නිරීක්ෂණය කරන සත්ව උද්යාන පාලකයා කරන්නේ මවක නැති පෙන්ගුයින් බිත්තරයක් මේ දෙදෙනා ස්ථානයේ තැබීමයි.
අවසානයේ පෙන්ගුයින් පැටියෙකු ඉපදෙනවා, and Tango makes three.
- රසික සූරියආරච්චි
No comments:
Post a Comment
ඔබේ ප්රතිචාරය මට සතුටකි!. Your comments are most welcome!
සංයමයෙන් යුතුව ප්රතිචාර දක්වන්න.