Monday, 25 May 2026
පල්ලේගම රතන, පල්ලේගම රතන - The NPP government is about to fail the TEST
- ප්රජාතන්ත්රවාදී රටක ප්රධාන ආයතන තුනක් වේ. ඒවා නම්, විධායකය (ජනාධිපති), ව්යවස්ථාදායකය (පාර්ලිමේන්තුව) සහ අධිකරණයයි.
- ජනතා ඡන්දයෙන් පත්ව ඇති ජනාධිපති සහ පාර්ලිමේන්තුවේ බලය ඇති ජනතා ඡන්දයෙන් පත්ව ඇති මහජන නියෝජිත කණ්ඩායම විසින් රට ආණ්ඩු කරනු ලැබේ. ඒ සඳහා ඔවුන් රාජ්යය හෙවත් අමාත්යාංශ සහ දෙපාර්තමේන්තුවල සේවය ලබා ගනිති. ඒ රාජ්ය ආයතනවල සිටින්නේ මහජන නියෝජිතයින් නොව සේවකයින් ය.
- බලයට පත්වූ දා සිටම රටේ ජනාධිපති මහජනයා අමතමින් කීවේ,
(අ) නීතිය හමුවේ සියලු දෙනාම සමානයි, නීතියට උඩින් කිසිවෙක් නැත,
(ආ) රජයේ දෙපාර්තමේන්තු නිසි ක්රමවේදය අනුව තමන්ගේ රාජකාරි කළ යුතු බව සහ ආණ්ඩුව ඒවාට මීට පෙර ආණ්ඩු බලයේ සිටි දේශපාලන බලවේග කළ ආකාරයට ඇඟිලි ගහන්නේ, බලපෑම් කරන්නේ නැති බව, සහ
(ඇ) අධිකරණයේ ස්වාධීනත්වයට ද මීට පෙර ආණ්ඩු බලයේ සිටි දේශපාලන බලවේග කළ ආකාරයට බලපෑම් කරන්නේ නැති බව ය.
- ජඩ කහකඩයා ඇප පිට නිදහස් කළේ උසාවියයි. එනම් ස්වාධීන අධිකරණයයි. මේ අමුතු අධිකරණයක් නොව, චෝදනා ගොනු වූ පසු ඒ පිළිබඳ සලකා ඒ වන විට පුද්ගලික රෝහලක සැඟවී සිටි ජඩ කහකඩයා රිමාන්ඩ් කිරීමට නියෝගය දුන් අධිකරණය ම ය. පුද්ගලික රෝහලෙන් බන්ධනාගාර රෝහලට මාරු කරන්න කියා නියෝගය දුන් අධිකරණය ම ය. අධිකරණය තීන්දු ගන්නේ පොලිසිය සහ නීතිපති දෙපාර්තමේන්තුව මගින් චෝදනා හෝ නඩු ගොනුකරන ආකාරය සහ ඉදිරිපත් වෙන සාක්ෂි අනුව ය මිස හිතුමතේ නොවේ.
- මේ සිදුවීම එළිදරව් වූ පසු රජයේ ආයතනයක් වන ළමා හා තාත්තා කාර්ය අංශය විසින් පොලිසියට පැමිණිලි කළ ද, පොලිසිය හැසිරුණේ අලස ආකාරයට බව පෙනුණි. චුදිතයා වහාම අත්අඩංගුවට ගැනුණේ නැත. උසාවි නියෝගයෙන් පසුව පොලිස්පතියා අනවශ්ය පරිදි එක් සංඝ නිකායක නායකයා හමුවීමට ගිය බව ද කියැවුණි. එසේම, චෝදනා ඉදිරිපත් වූ දිනයේ සිට චුදිත ජඩ කහකඩයා අත්අඩංගුවට පත්වීමෙන් බේරා ගැනීමට සිවිල් බලය ඇති බොහෝ දෙනකු ද නිර්ලජ්ජිතව ඉදිරියට පැමිණියහ.
- මෙහි දී ජඩ කහකඩයාට අධිකරණයෙන් ඇප ලැබීමට හේතුව ලෙස මට නම් පෙනෙන්නේ පොලිසිය සහ නීතිපති දෙපාර්තමේන්තුව විසින් කරන ලද, ඇත්තටම නම් නොකරන ලද, දේ නිසා බවයි. පොලිසිය සහ නීතිපති දෙපාර්තමේන්තුව වැනි ආයතන රාජ්යය මිස ආණ්ඩුව නොවේ.
- මේ ඇප ලබාදීම නිසා බොහෝ දෙනෙකුට ඇති වී තිබෙන සැකය නම් ආණ්ඩුව එනම් ජනාධිපති සහ ආණ්ඩු පක්ෂය විසින් පොලිස් දෙපාර්තමේන්තුව සහ නීතිපති දෙපාර්තමේන්තුවට තමන්ගේ කාර්යය අතපසු කරන්නට කියා අනියම් අයුරින් හෝ නියෝග දුන්නා හෝ බලපෑම් කළා ය යන්නයි.
- ඒ අතර සමහරු ඉදිරිපත් කරන ප්රතිතර්කය වන්නේ, රාජ්යතන්ත්රය ඇතුළේ අදෘශමාන "පාර රාජ්යයක්" (deep state) ක්රියාත්මක වෙන බවත්, ඔවුන් ඔවුන්ගේ ඇජෙන්ඩාවට අනුව ජඩ කහකඩයාට ඇප ලැබෙන ආකාරයට කටයුතු සිදුවීමට සැලැස්වූ බවයි. මෙය බරපතල තත්වයකි.
- එය එසේ නම්, වහාම මේ තත්වයෙන් රාජ්ය යාන්ත්රණය මුදා නොගතහොත් ජනාධිපති සහ ඔහුගේ ආණ්ඩුවට සොරි ඩොට් කොම් වෙනු ඇති බව පෙනේ.
(image: Facebook)
Subscribe to:
Post Comments (Atom)
No comments:
Post a Comment
ඔබේ ප්රතිචාරය මට සතුටකි!. Your comments are most welcome!
සංයමයෙන් යුතුව ප්රතිචාර දක්වන්න.