Tuesday 6 November 2018

"ඔසී රටේ අපේ කතා" කෘතියේ සිනුවර දොරට වැඩුම - All are invited


ඕස්ට්‍රේලියාවේ වෙසෙන සංක්‍රමණික සිංහල ලේඛකයින් විසින් තම සංක්‍රමණික අත්දැකීම් අනුසාරයෙන් රචනා කරන ලද කෙටිකතා විසිතුනකින් සමන්විත "ඔසී රටේ අපේ කතා" කෘතියේ සිනුවර දොරට වැඩුම 2018 නොවැම්බර් 11 වෙනිදා, ඉරිදා, සවස 230 ට සිනුවර තදාසන්නයේ කෙලිවිල් හි රයිට්ස් රෝඩ් ප්‍රජා ශාලාවේ දී පැවැත්වීමට නියමිත ය.

සරසවි ප්‍රකාශනයක් ලෙස ශ්‍රී ලංකාවේ දී 2018 ජූලි මාසයේ මුද්‍රණද්වාරයෙන් නිකුත් වූ මෙම කෘතිය ඕස්ට්‍රේලියාවේ, නිව් සවුත් වේල්ස ප්‍රාන්තයේ සංස්ථාපිත සිංහල සංස්කෘතික හමුවේ ලේඛක සංසදය විසින් සම්පානය කරනු ලැබූ මේ ග්‍රන්ථයේ ශ්‍රී ලංකාවේ දොරට වැඩුම 2018 අගෝස්තු මස දාහත්වෙනිදා කොළඹ විශ්වවිද්‍යාලයේ දී පැවැත්වුණි.

ඉරිදා පැවැත්වෙන උත්සවය පිළිබඳ මම ඊයේ සිනුවර 99.9 FM ඔස්සේ ප්‍රචාරය වෙන "විදුර" සිංහල ගුවන් විදුලි වැඩසටහනට සහභාගී වීමි.

එහි ෆෙස්බුක් සජීවී විකාශයෙන් උපුටාගත් වීඩියෝවක් දැන් ඔබට නැරඹිය හැකි ය.



සිනුවර වසන ඔබ සැමට සිනුවර වසන ඔබ සැමට 2018 නොවැම්බර් 11 වෙනිදා, ඉරිදා, සවස 230 ට සිනුවර තදාසන්නයේ කෙලිවිල් හි රයිට්ස් රෝඩ් ප්‍රජා ශාලාවේ දී පැවැත්වෙන දොරට වැඩුමට සහභාගී වෙන ලෙස සාදරයෙන් ආරාධනා කරමි.

රසික සූරියආරච්චි

ප/ලි:
මේ ග්‍රන්ථයේ ඇතුළත් කෙටිකතා සහ ඒවායේ රචකයින් මෙසේ ය.

රමේෂ් - ප්‍රියන්ත ෆොන්සේකා
මානව හිතවාදියා - සමන් දිසානායක
පුත්‍ර ස්නේහය - දීපිකා ශ්‍රියානි සුන්ද්‍රාවඩුගේ
මීනා - පුෂ්පා සූරියආරච්චි
කතුර - නිහාල් රූපසිංහ
අවුරුදු නැකත - පාලිත ගනේවත්ත
ඩොලර් දෙකේ සන්තෝෂය - රසික සූරියආරච්චි
දෛවයෝගයක් - ඥානතිලක හේවාගමගේ
වාසනාවන්තයෝ - ෂෙල්ටන් පීරිස්
සිඳුණු පියාපත් - ෂාමලින් පෙරේරා
සුරතල්ලූ - ශ්‍යාමා රත්නායක
රියදුරු බලපත්‍රය - මොරගොඩ මලියසේන
දරු මුණුපුරෝ - රෝස් ගුණසේකර
මිණි කැට සහ මුතු ඇට - ජයන්ත ඈපා
ඕස්ට්‍රේලියාව, "රටගාය" හා අප - දිලිනි ඊරියවල
මෝන් සහ ඩූන් - මලී දිසානායක
අයි කේම් ෆ්‍රොම් ශ්‍රී ලංකා - දුමින්ද ගමගේ
ඉරණම - උපේකා පීරිස්
ජන්මාන්තර වෛරක්කාරයා - රසෝමි මුදලිගේ (පරිවර්තනය නිහාල් රූපසිංහ)
සිනහව අතරින් - පියසේන පියසිරි
චෙරි - පූර්ණිමා ජයතිස්ස
ජීවයට ජීවය - කරුණාසේන කහටපිටිය
උපැස් යුවලක් අතරින් - ලලිත් ලොකුකුරුප්පුආරච්චි

"ඔසී රටේ අපේ කතා" කෙටිකතා එකතුවේ පිටු 250 කි. සාමාන්‍ය විකුණුම් මිල රුපියල් 450 කි. සරසවි පොත්හල ශාඛාවලින් 20% වට්ටම් සහිතව ලබාගත හැක.

ප/ප/ලි:
අපේ සිංහල සංස්කෘතික හමුව හමුව මගින් මින් පෙර සම්පාදනය කරන ලද ග්‍රන්ථ මෙසේ ය.

තිරස තරණ - ඕස්ට්‍රේලියානු සංක්‍රමණිකයින්ගේ සිංහල කෙටිකතා එකතුව (2007) - දයාවංශ ජයකොඩි සමාගම
දකුණු කුරු දිව් කව් - ඕස්ට්‍රේලියාව පිළිබඳ සිංහල කාව්‍ය සංග්‍රහය (2010) - දයාවංශ ජයකොඩි සමාගම

(image: designed by Deepal de Silva)

9 comments:

  1. මෙල්බර්න් වලට ගෙන්න ගන්න විදිහක් නැද්ද?

    ReplyDelete
    Replies
    1. පොත එළිදැක්වීමේ උත්සවයෙන් පසු, පිටපත් ඉතුරු වුනහොත් ඒ සඳහා වැඩපිළිවෙලක් යොදන්නට අදහස් කරනවා.

      දැනට ඔබට ඇති හොඳම ක්‍රමය නම් ලංකාවට ගිය විට පිටපතක් මිලට ගැනීමයි. සරසවි පොත් කඩේකින් 20% වට්ටමක් සහිතව රුපියල් 390 කට ලබා ගත හැකියි.

      දෙවන ක්‍රමය නම් තැපැල් මගින් ලංකාවේ සිට ගෙන්වා ගැනීමයි. ඒ සඳහා පොතේ වටිනාකම වූ රුපියල් 450 ට අමතරව තැපැල් ගාස්තු සඳහා රුපියල් 2,647 වැය වෙනවා. මුහුදු තැපෑලෙන් වුනත් රුපියල් 2240 ක් ගෙවන්නට වෙනවා.

      සිඩ්නිවල සිට පිටපතක් මෙල්බර්න්වලට එවන්නටත් ඩොලර් 3 ක් පමණ වැයවෙනු ඇති.

      Delete
  2. සවුදි අරාබියාවට ගෙන්න ගන්න ඕනි මේ පොතේ අරාබි සංස්කරණය. අපි මුශ්ලීම් කොල්ලෝ සවුදියේ. ඉන්ෂා අල්ලාහ් !!!

    ReplyDelete
    Replies
    1. අරාබි සංස්කරණයක් තවමත් නැත.
      ස්තුතියි.

      Delete
  3. දොරට වඩින කෙටිකථා
    සී නුවරින් රසකතා
    සතුටුයි අපටත් ඉතා
    නවතිමු අපි සුබපතා

    ReplyDelete
  4. "සමනළ කතාව"
    සිරා කියනකොට
    කවුරුද ළමයෝ
    ඒක නොදන්නේ

    ඒගැන වැඩි දුර
    පැහැදිළි කෙරුමට
    සමරසිංහ ඇයි
    මහන්සි වෙන්නේ

    මේකත් හරියට
    වාසුගෙ "පකයට"
    බන්දුලගේ
    නිර්වචනය වැන්නේ!

    ReplyDelete
  5. හොද වැඩක් .සුබ පැතුම් . සිංහල පත්තරත් තියෙනවද

    ReplyDelete
  6. අපූරු වැඩක් - සුභ පැතුම්!

    ReplyDelete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.