Monday, 11 January 2016

දින පොතේ පිටු දෙකක සටහන් නොහොත් ජීවිතෙන් සති දෙකක් බ්ලාස් ගිය හැටි - New year begins today!


පසුගිය දෙසැම්බර් විසි අට වෙනිදා මගේ දවසම ගෙවුණේ මරදානේ ය.

මරදානේ ඉපදුණු, සිව් වසරක්ම මරදානේ පාසල් ගිය මට මරදාන යනු නුපුරුදු තැනක් නොවේ. නමුත්, මෙදා මට මරදානේ දී වැඩ වැරදුණි!

ඉර මුදුන් වෙනතුරු මා දවසේ මුලින් ම ක්‍රියාන්විත පැය කිහිපය ගත කළේ විදෙස් ගමන් බලපත්‍ර කාර්යාලයේ ය. නැවත හවස් වරුවේ එහි එන බලාපොරොත්තුවෙන් එතැනින් පිට වී, දවසේ අපරභාගය ගත කළේ විජේසූරිය, දයාවංශ ජයකොඩි, සූරිය සහ සුරස පොත්හල්වල ය. දවල්ට කෑවේ බිම් මහලක තිබුණු අයිල කඩයකිනි.

උසුලා ගෙන යන්නට බැරි පොත් කන්දක් ඒ වෙන විට එකතු වී තිබුණු නිසාත්, පාස්පෝට් ඔෆීසියේ යටිමහලේ තිබුණු සංහිඳ පොත්හලට යාමට තිබුණු නිසාත්, මරදානේ ගොඩගේ පොත්හලට යාම පසු දිනකට කල් දැම්මෙමි.

කල් ඉකුත් වී වසර අටහමාරක් ගත වී තිබුණු මගේ විදෙස් ගමන් බලපත්‍රය වෙනුවට ලබාගත් අලුත් බලපත්‍රයද, කිලෝ විස්සක් පමණ පොත් මලු කිහිපයක් ද රැගෙන මරදානෙන් පිටත් වූයේ හවස පහමාරට පමණ වුවද, පිළියන්දල-කොළඹ මාර්ගයේ ඉඳිකිරීම් සහ වාහන තදබදය නිසා, මා නිවසට ළඟාවෙන විට රාත්‍රී හත ද පසු වී තිබුණි.

උදේ මා සමග නොගිය, ඇඟේ අමාරුවක් ද, කැස්සක් ද, හිසරදයක් ද, සවස මා සමග නිවසට පැමිණ තිබුණි.

එතැන් පටන් ඇරඹුණේ කහිමින් ද, හොටු හූරමින් ද, නිදා ගනිමින් ද, නිකරුණේ ඇඳ මත වැතිරී සිටිමින් ද, නිදා වැටෙමින් ද, පෙති, කරල්, කුඩු ආදී මෙකී නොකී ඖෂධ වර්ග ඇඟ ඇතුළට දමා ගනිමින් ද, මා ගත කළ ලෙඩ කපුටෙකු ගේ ජීවිතයයි.

සති තුනක් ගත කළ ලංකාවෙන් චුත වී, තවත් දවසක් ම මග ගෙවා, ඒ සතියේ ඉරිදා වෙන විට යළි සුතනඹුවන් අතරට පැමිණි මුත්, ලෙඩ කපුටු සාපය තවත් සතියක් ම පැවතුණි.

නව වසරේ සඳුදා ම කාර්යාලයට ගිය ද, ඉන් පසු දෙදිනේ ද, සිකුරාදා සහ සති අන්තයේ ද වැඩි කාලයක් ගත වුණේ ඇඳන් ගතව සිරප්, පෙති සහ කරල් සමගිනි.

අහම්බෙන් මෙන් සිදු වූ එකම වැදගත් කර්තව්‍යය වූයේ ලියනගේ අමරකීර්ති ගේ අලුත් ම නවකතාව වන අහම්බකාරක කියවා හමාර කිරීම පමණි.

අද අලුත් සේවා සතියක් ඇරඹේ.

හොඳින් හිරු පායා ඇති පැහැබර දිනයකි.

උදෑසන අටයි කාලට පමණ මා දුම්රිය පොළේ වාහන ගාලට ළඟාවෙන විට ම උෂ්ණත්වය අංශක විසි දෙකක් වී තිබුණි. හවස් වෙන විට අපේ ගම් පෙදෙසේ පරිසරය අංශක තිස් අටක් දක්වා වැඩි වීමට නියමිත බව පෙනේ. සේවා ස්ථානය පිහිටි උතුරු සිඩ්නි ප්‍රදේශය අංශක තිස් දෙකක් වීමට නියමිතය.

පසුගිය වසරේ ද මා අලුත් අවුරුද්ද ඇරඹුවේ ප්‍රමාද වී බව මතකය.

නව වසර අද ජනවාරි එකොළොස්වෙනිදා සිටවත් අරඹමි!

ජයවේවා!

-රසිකොලොජිස්ට්

ප/ලි (12/01/2016):
මේ සටහනේ ඉහළින් අඩංගු කර ඇති ඡායාරූපය පිළිබඳව තරමක උනන්දුවක් ඇති වී තිබෙන නිසා, ඒ ගැන වැඩි විස්තර ලියන්නට සිතුණි.

මේ මා ලංකාවෙන් ගෙනා කිලෝ තිහක පොත්වලින් කිහිපයකි. තවත් කිලෝ විස්සක් මුහුදු තැපෑලෙන් එනු ඇත.

මේ පොත් ලියා ඇත්තේ බ්ලොග් ලොවෙන් නම් දැනගත් අය විසින් නිසා ඒ ඡායාරූපය මෙහි පළ කළෙමි.

1. අනිත් කොන බ්ලොගය ලියන බෝධිනී සමරතුංග ගේ මනුපුර සක්මන කාව්‍ය සංග්‍රහය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

2. තරු රසී බ්ලොගය ලියන තරංගනී රෙසිකා ගේ තරු ඇස් රහස් කාව්‍ය සංග්‍රහය නුගේගොඩ සරසවි පොත්හළෙන් මිලට ගතිමි.

3. වෘත්තීය කමෙන්ට්කරු ප්‍රාජේ නොහොත් ප්‍රදීප් ජයතුංග ගේ නිට්ටෑවෝ කෘතිය කතුවරයා විසින් මට තිළිණයක් ලෙස ලබා දුන්නේය.

4. පුලින තලාව බ්ලොගය ලියන පුෂ්පා රම්ලනී දිසානායක ගේ සුදු හිම පලස කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

5. බස්සීගේ නවාතැන බ්ලොගය ලියන යශෝධා සම්මානී ප්‍රේමරත්න ගේ ඉතා කෙටි කලබල සිහින කාව්‍ය සංග්‍රහය දෙසැම්බර් 12 දින පැවති එළිදැක්වීමේ දී මිලට ගන්නා ලදී.

6. අනිත් කොන බ්ලොගය ලියන බෝධිනී සමරතුංග ගේ අනිත් කොන කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

7. රසවතිය බ්ලොගය ලියන හෂිත අබේවර්ධන ගේ පත් සිදුණු වසන්තය පරිවර්තන කෘතිය මහරගම සරසව පොත්හළෙන් එක් පිටපතක් ද, නුගේගොඩ සරසවි පොත්හළෙන් තවත් පිටපතක් ද මිළට ගෙන ඉන් එකක් චීන සාහිත්‍යයට රැචි මගේ සොහොයුරාට දී අනෙක රැගෙන ආවෙමි.

8. නොකී කතා බ්ලොගය ලියන හෙන්රි වර්ණකුලසූරිය ගේ දඩ කඳවුර නවකතාව මරදානේ සුරස පොත්හළෙන් මිලට ගත්තෙමි.

9. රසිකොලොජි බ්ලොගය ලියන මා ලියූ ඊ-ෆැක් මෙමොරීස් නමැති පොතේ පිටපත් පනහක් පමණ ගෙන ආවෙමි.

10. නොකී කතා බ්ලොගය ලියන හෙන්රි වර්ණකුලසූරිය ගේ නීත්‍යානුකූල ඝාතනය නම් පරිවර්තිත කියුබානු කෙටිකතා එකතුව– මරදානේ සුරස පොත්හළෙන් මිලට ගත්තෙමි.

11. කෙනිත්තුන සහ කෙනිතුව විට අවදි වුණු චිත්තය නමැති බ්ලොගය ලියන නිශ්මං රණසිංහ ගේ රේල් පීලි නවකතාව මරදානේ සුරස පොත්හළෙන් මිලට ගත්තෙමි.

12. තිලක සිත බ්ලොගය ලියන තිලකසිරි ඒකනායක ගේ තිලක සිත කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

13. යසනාත් සිතුවිලි බ්ලොගය ලියන යසනාත් ධම්මික බණ්ඩාර ගේ මුරගල කාව්‍ය සංග්‍රහය ගොඩගේ පොත්හළේ දී අහම්බෙන් දැක මිලට ගත්තෙමි.

14. වෘත්තීය කමෙන්ට්කරු ප්‍රාජේ නොහොත් ප්‍රදීප් ජයතුංග ගේ ලෙපර්ඩ්ස් ඔෆ් ලේනම කෘතිය කතුවරයා විසින් මට තිළිණයක් ලෙස ලබා දුන්නේය.

15. හකාවතී බ්ලොගය ලියන ඩෝසන් ප්‍රීති ගේ හකාවතී කෘතිය ගොඩගේ පොත්හළෙන් මිලට ගත්තෙමි.

63 comments:

  1. නව වසරට අපෙන් සුභ පැතුම්................

    ReplyDelete
    Replies
    1. thanks for the addition of the description about bloggers among the above authors. actually I knew only six of them as bloggers. that's why I commented as half of them as bloggers in my previous comment. anyway thanks Rasika, will visit their blogs as well. all the best for the new year. hope mariyakade flu is cured.

      Delete
  2. ජයවේවා!! අයිල කඩේ කිව්වෙ කොහොම කඩයක්ද?

    ReplyDelete
    Replies
    1. අයිල කඩයක් ය කීවේ පිඟානක් උඩට ඉටිකොලයක් දමා එයට බත් හොඳි මාලු බෙදා දෙන කඩයකටයි.

      Delete
  3. //පසුගිය වසරේ ද මා අලුත් අවුරුද්ද ඇරඹුවේ ප්‍රමාද වී බව මතකය.// පැය පහමාරනේ පරක්කු. ඕක මොකක්ද? කොහොමවුණත් ඉක්මන් සුව පතමි.

    ReplyDelete
    Replies
    1. //පැය පහමාරනේ පරක්කු. ඕක මොකක්ද?//
      පැය පහමාරක් නෙමේ රසික අවුරුද්ද සැමරුවේ ජනවාරි නම වෙනිදා. ජනවාරි අට වෙනිදා ජන්දෙන් පස්සේ.

      Delete
  4. ජය වේවා.. පාස්පෝට් කිහිපයක් නෑනේ..

    /දින පොතේ පිටු දෙක සටහන් //

    මට ඒක අපැහැදිලියි

    ReplyDelete
    Replies
    1. වීර වංසයට උනු වැඩේ උබටත් වෙයි යකෝ...

      Delete
    2. එය පිටු දෙකක යනුවෙන් නිවැරදි කළෙමි.
      පිටු දෙකක සටහන් යනු සති දෙකක සටහන් ය. මේ දිනපොත පිටුවකට සතියක එකකි.

      Delete
  5. අලුත් අවුරුද්දට සුභ පැතුම් රසික.... මෙතනින් කීපයක් තියනවා.. ඒත් වැඩි හරිය නෑ...

    ReplyDelete
    Replies
    1. පොත් දෙකක් එහි කතුවරයාගෙන් නිවසටම ලැබුණි.
      තව කිහිපයක් තැපෑලෙන් ගෙනවා ගෙන තිබුණි. අනෙක්වා මෙවර මිළට ගතිමි. ඉන් පොත් දෙකක් ගන්නට සෑහෙන කට්ටක් කෑමට සිදුවිය.

      Delete
  6. සුභ නවවසරක් වේවා රසික!

    ReplyDelete
  7. අවුරුද්ද‍ට පරක්කු සුභපැතුම්!

    ReplyDelete
    Replies
    1. බෙටර් ලේට් දෑන් නෙවර් කිව්වලු නේ!

      Delete
  8. බ්ලොග් සහෘදයන්ගෙ පොත් බොහොමයක් අරන් ඇති බව පේනවා. ඒ අතර තරු ඇස් රහස් දකින්න ලැබීමත් සතුටක්..

    ඔය කැස්ස, හිසරදය ගැන නම් කතා කර ඵලක් නැත. ඉස්තරම්ම ආකාරයට විඳවමින් ඉන්නෙ. බස්සිගෙ පොත එළිදුටු දවසෙ යාම්තම් කතන්දර අයියා දැක බලා ගන්නට හැකි වීමත් සතුටක්..

    සුබ නව වසරක් අයියේ...

    ReplyDelete
    Replies
    1. තරු ඇස් රහස් හොයන්න පොඩි පහේ කට්ටක් කෑවෙමි!

      Delete
  9. එහෙන් චුත වෙලා මෙහේ ආවේ පොත් ගන්නද මචන්.
    පරක්කු වෙලා හරි සුභ නව වසරක්.

    ReplyDelete
    Replies
    1. දිනෙක දෙතැනින් ම චුත වෙමි!

      Delete
  10. ඔන්නොහෙ ඕක පළවෙනිදම පටංගත්තෙ නැති උනාට මොකෝ.
    පටංගත්ත දවසෙ ඉඳල අවුරුද්ද සුබ වේවා !

    ReplyDelete
  11. පරක්කු නොවන අරක්කු ටිකක් අරගෙන ගියෙ නැත්ද? අදින් පටන් ගත් වසර සේවයේ හා දිවියේ තෘප්තිමත් එකක් වේවා.

    ReplyDelete
    Replies
    1. එක් සාදයක දී තෙවරප්පෙරුම උන්නැහේ නම් හමුවිය!

      Delete
  12. රසික
    ලංකාවෙ ට්‍රැපික් ගැනනම් කියල වැඩක් නෑ.පහුගිය සතියේ දවසක කො‍ටුව දුම්රියපොල ලඟින් සවස 5.00 ට බසයක නැග 7.20 ට පමන නුගේගොඩට පැමිනියෙමි.අහම්බකාරක මමද කියවා අවසාන කලෙමි.මරදානේ පොත් කඩවලට යාමට තවමත් නොහැකිවිය.

    ReplyDelete
    Replies
    1. මං නං නුගේගොඩ සහ හයිලෙවල් පාර මගහැරියා හැකි සෑම විටම!

      Delete
  13. නව ජවයෙන් දිගු ගමනකට සුභ වේවා..!!
    ජයවේවා..!!

    ReplyDelete
  14. Get well soon !
    Happy reading !

    ReplyDelete
    Replies
    1. looks like he has bought one of your books as well. Shouldn't you be thanking him?

      Delete
    2. ඒ පොත් දෙක ප්‍රාජේ විසින් මට තෑගි කරන ලද ඒවා ය.
      ස්තුතිය මගෙන් ඔහුට ය.

      Delete
    3. වෘත්තීය කමෙන්ට්කරු ප්‍රාජේගේ "නිට්ටෑවෝ" පොත සිංහලට පරිවර්තනය කරන්න අපේ බ්ලොග්කරුවෙක්ම වැඩ පටන් අරන් තිබුනා නේද ?

      Delete
  15. කියවන්න ඇති පදමට පොත් තියෙන කොට වැඩියෙන්ම ඕනේ නිවාඩු තමයි මට නම්.

    ReplyDelete
    Replies
    1. ඒකනම් ඇත්ත. මට නං කෝච්චියේ පිහිටයි!

      Delete
  16. මම නම් අළුත් අවුරුද්දේ කල පළවෙනි රාජකාරිය තමයි "ෂාජා ඇල්කොහොල් ලයිසන්" එක ගැනීම. අවුරුදු 15ක් යූ.ඒ.ඊ වල හිටියට ලයිසන් ඕනේ උනේ නෑ, මොකද මගේ යාළුවෙක් හිටියේ "ෆුජේරා" කියන ඕපන් පබ් තියෙන ස්ටේට් එකේ නිසා සප්ලයි වලින් අඩුවක් උනේ නෑ. යාළුවා යූ.ඒ.ඊ දාලා ගිය නිසා රහ මෙර සපයාගැනීමේ ලොකු ගැටළුවක් තිබුනා.

    ඔන්න ඉතින් ජය සිරි මංගලම් කියලා ඒකත් හරි...... අනික මෙහේ පොලීසියට බෝතල් දෙක ගාණේ දෙන්න ඕනෙත් නැති නිසා, දැන් ගෙදර අයුතු ජනරාශියක් දාලා පොඩි ජොලියක් දාලා, මට ස්වේච්ඡාවෙන් බිල්ඩිමෙන් පනින්න උවමනාවක් වෙන්නේ නෑ. මොකද දැන් ලයිසන් හිමි බීම කරු.....!

    පැණියෙන් ඉතිරෙන සුභ නව වසරක් වේවා.........!

    ReplyDelete
    Replies
    1. එහෙනම් දැන් ලයිසොං සහිත බොනපාට්වරයෙක්!
      ජයවේවා!

      Delete
  17. අපට ඕන දවස තමා පටන්ගන්න දවස

    ReplyDelete
  18. පාස්පෝට් පොත ගත්තද මතක ඇතුව... ඒක නම් පොත් කඩවල නෑ....

    ReplyDelete
    Replies
    1. කවදත් මං නං පූස්පාට් එකට තමයි කැමති!

      Delete
  19. අප්පෝ කොළඹ නම්.. මට නම් කොළඹ යනවා කියන්නේ අපායට යනවා වගේ වැඩක්. ජනවාරි 7 වෙනිදා ගියා කොළඹ. තාම හෙම්බිරිස්සාව..

    ReplyDelete
    Replies
    1. Colombo කියා පොතක් තියෙනවා කාල් මියුලර් ගේ. මට දෙවෙනි චැප්ටර් එකෙන්ම එපා වුනා ඒ තරමටම භයානකයි කොළඹ!

      Delete
  20. අසනීප මැද්දෙන් අපි කාගේ කාගත් පොත් ටිකත් උස්සන් ඇවිල්ලනේ . ඉක්මන් සුවය පතනවා

    ReplyDelete
    Replies
    1. ඔබේ පොත සහ තවත් පොත් කිහිපයක් අර තැපැල් සේවයෙන් ලංකාවේ අම්මාගේ නිවසට ගෙන්නා ගත්තා!

      Delete
  21. පාස්පෝට් දෙක තුනක් අරන් ආවේ නෑනේ, පොත් වල සිහියෙන්.
    බ්ලොග් සෙට් එකේ අයගෙන් දැනට මගේ ලග තියෙන්නේ තරූ අක්කගේ පොත විතරයි.
    පමා උනත් අවුරුද්දට සුබ පැතුම්.

    ReplyDelete
    Replies
    1. මා දැක්කා තරුගේ පොත ගැන ඔබ ලියා තියෙනවා!

      Delete
  22. සිව් වසරක්ම මරදානේ පොත පිටරටක ඉන්න කෙනෙක් ගන්නේ කොහොමද pdf copy එකක්වත් තියනවද ?

    ReplyDelete
  23. ගත්තු පොත් කන්දරාවෙ මගේ පොත් දෙකක් තියෙනව දකින්න ලැබීම සතුටක්. දැන් ඉතිං ගත්ත වගේ නොවෙයි. කියවන්නත් එපැයි.

    ReplyDelete
    Replies
    1. තවමත් කියවීමට කාලය නොලැබුණි!

      Delete
  24. ප/ලි:
    මේ සටහනේ ඉහළින් අඩංගු කර ඇති ඡායාරූපය පිළිබඳව තරමක උනන්දුවක් ඇති වී තිබෙන නිසා, ඒ ගැන වැඩි විස්තර ලියන්නට සිතුණි.

    මේ මා ලංකාවෙන් ගෙනා කිලෝ තිහක පොත්වලින් කිහිපයකි. තවත් කිලෝ විස්සක් මුහුදු තැපෑලෙන් එනු ඇත.

    මේ පොත් ලියා ඇත්තේ බ්ලොග් ලොවෙන් නම් දැනගත් අය විසින් නිසා ඒ ඡායාරූපය මෙහි පළ කළෙමි.

    1. අනිත් කොන බ්ලොගය ලියන බෝධිනී සමරතුංග ගේ මනුපුර සක්මන කාව්‍ය සංග්‍රහය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

    2. තරු රසී බ්ලොගය ලියන තරංගනී රෙසිකා ගේ තරු ඇස් රහස් කාව්‍ය සංග්‍රහය නුගේගොඩ සරසවි පොත්හළෙන් මිලට ගතිමි.

    3. වෘත්තීය කමෙන්ට්කරු ප්‍රාජේ නොහොත් ප්‍රදීප් ජයතුංග ගේ නිට්ටෑවෝ කෘතිය කතුවරයා විසින් මට තිළිණයක් ලෙස ලබා දුන්නේය.

    4. පුලින තලාව බ්ලොගය ලියන පුෂ්පා රම්ලනී දිසානායක ගේ සුදු හිම පලස කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

    5. බස්සීගේ නවාතැන බ්ලොගය ලියන යශෝධා සම්මානී ප්‍රේමරත්න ගේ ඉතා කෙටි කලබල සිහින කාව්‍ය සංග්‍රහය දෙසැම්බර් 12 දින පැවති එළිදැක්වීමේ දී මිලට ගන්නා ලදී.

    6. අනිත් කොන බ්ලොගය ලියන බෝධිනී සමරතුංග ගේ අනිත් කොන කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

    7. රසවතිය බ්ලොගය ලියන හෂිත අබේවර්ධන ගේ පත් සිදුණු වසන්තය පරිවර්තන කෘතිය මහරගම සරසව පොත්හළෙන් එක් පිටපතක් ද, නුගේගොඩ සරසවි පොත්හළෙන් තවත් පිටපතක් ද මිළට ගෙන ඉන් එකක් චීන සාහිත්‍යයට රැචි මගේ සොහොයුරාට දී අනෙක රැගෙන ආවෙමි.

    8. නොකී කතා බ්ලොගය ලියන හෙන්රි වර්ණකුලසූරිය ගේ දඩ කඳවුර –නවකතාව මරදානේ සුරස පොත්හළෙන් මිලට ගත්තෙමි.

    9. රසිකොලොජි බ්ලොගය ලියන මා ලියූ ඊ-ෆැක් මෙමොරීස් නමැති පොතේ පිටපත් පනහක් පමණ ගෙන ආවෙමි.

    10. නොකී කතා බ්ලොගය ලියන හෙන්රි වර්ණකුලසූරිය ගේ නීත්‍යානුකූල ඝාතනය නම් පරිවර්තිත කියුබානු කෙටිකතා එකතුව– මරදානේ සුරස පොත්හළෙන් මිලට ගත්තෙමි.

    11. කෙනිත්තුන සහ කෙනිතුව විට අවදි වුණු චිත්තය නමැති බ්ලොගය ලියන නිශ්මං රණසිංහ ගේ රේල් පීලි නවකතාව මරදානේ සුරස පොත්හළෙන් මිලට ගත්තෙමි.

    12. තිලක සිත බ්ලොගය ලියන තිලකසිරි ඒකනායක ගේ තිලක සිත කෘතිය ඊසී-හෝම් සේවය මගින් තැපැල් මගින් ගෙන්වා ගන්නා ලදී.

    13. යසනාත් සිතුවිලි බ්ලොගය ලියන යසනාත් ධම්මික බණ්ඩාර ගේ මුරගල කාව්‍ය සංග්‍රහය ගොඩගේ පොත්හළේ දී අහම්බෙන් දැක මිලට ගත්තෙමි.

    14. වෘත්තීය කමෙන්ට්කරු ප්‍රාජේ නොහොත් ප්‍රදීප් ජයතුංග ගේ ලෙපර්ඩ්ස් ඔෆ් ලේනම කෘතිය කතුවරයා විසින් මට තිළිණයක් ලෙස ලබා දුන්නේය.

    15. හකාවතී බ්ලොගය ලියන ඩෝසන් ප්‍රීති ගේ හකාවතී කෘතිය ගොඩගේ පොත්හළෙන් මිලට ගත්තෙමි.

    ReplyDelete
  25. කියවීමෙන් සහ බ්ලොග් ලිවීමෙන් පරිපූර්ණ සුභ නව වසරක් පතමි .... !! පොත් ටික දැකල කෙළ ඉනුවා, බඩ එහෙම රිදුනොත් අපි නෑ ඔන්න ...

    ReplyDelete
  26. [ව වසරේ සඳුදා ම කාර්යාලයට ගිය ද, ඉන් පසු දෙදිනේ ද, සිකුරාදා සහ සති අන්තයේ ද වැඩි කාලයක් ගත වුණේ ඇඳන් ගතව සිරප්, පෙති සහ කරල් සමගිනි.]
    ඔය රටෙත් හෙම්බිරිස්සාවට පෙති කරල් දෙන ඩොකාලා ඉන්නවද ? :)

    ReplyDelete
    Replies
    1. ඒ බෙහෙත් හෙම්බිරිස්සාවට නොවේ!

      Delete
  27. මගේ පොතත් තිබීම ගැන සතුටුයි.කණගාටුව පැමිණි බවවත් නොදැනීම.පසුගිය කාලය ගෙවුණේ නිවසේමයි.දැණුත් එහෙමයි.හේතු මගේ බ්ලොගයට ගොඩ වුණොත් දැක ගන්නත් හැකියි.එසේ නොවුණානම් බස්සිගේ හ්ම් හ්ම් ගෑවිල්ලෙදි අපිට හම්බවෙන්න තිබුණා.

    ඊ ළඟ පාර ආවමවත් මුණගැහෙයි කියා හිතනවා.මුණ නොගැහී වුණත් ඔබ නිර්මාණ කටයුතුවලදි මා සමඟ ඉන්න සහෘදයෙක් යන්න මගේ හෘද සාක්ෂියෙ හැමදාම තියෙනවා.

    පොත බලල අඩු -පාඩු සමඟ පුංචි කෑල්ලක් ලියන්න.ඒ ඔක්කොම කරන්න කළින් මහද්වීප වෙනස් වුණාට වෙනස් නොවී පස්සෙන් පන්නන ලෙඩ රෝග වලට අවශ්‍යය ඖෂධ ආරක්ෂාව නොපිරිහෙලා සන්නද්ධව තබා ගන්න.

    ස්තූතියි,සැපවේවා.නිදුක් නිරෝගි වසරක් වේවා!

    ReplyDelete
    Replies
    1. තවමත් රේල් පීලි නවකතාව කියවීමට කාලය නොලැබුණි!

      Delete
  28. ස්තූතියි රසික අයියා, පොත් කියවලා ඒ ගැන ලියන කතා කියවන්නත් බලාගෙන ඉන්නේ. සුභ නව වසරක් !

    ReplyDelete
    Replies
    1. තවමත් කියවීමට කාලය නොලැබුණි!

      Delete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.