Sunday 23 April 2017

කොහෙන් ආපු ඉන්දියන්කාරයෙක් ද මූ? - Being a foreigner in Sri Lanka


මා සමග එකම ඔෆීසියේ සේවය කරන ජෝර්ජ් කැම්බල් මගෙන් ඉන්දියානු සමෝසා පිළිබඳව විමසූ කතාව මතකද?

බොහෝ විදේශිකයින්ට තියා සමහර විට අපට වුවත්, ලංකාවෙන්, ඉන්දියාවෙන් කියා මිනිසුන් වෙන් කර හඳුනා ගන්නට නොහැකි ය.

අප මිත්‍ර දේශප්‍රිය ලංකාපුත්‍ර මහතා සහ එම මැතිනියට, ඉන්දියානුවන් ලෙස රඟ පා, අඩු මිල ටිකට්ටු මිල දී ගෙන ටජ් මහල නරඹන්නට හැකි වුණේ ඒ නිසා ය.

ලංකාවෙන් පිටත සිටිය දී, වෙනකෙකු අප ඉන්දියානුවන් යැයි සිතීම කෙසේ වෙතත්, ලංකාව ඇතුළත දී ම එලෙස සිදුවුණ හොත්, ඔබට කුමක් සිතේ ද?

මේ මගේ ම විදේශික අත්දැකීම් පිළිබඳ සටහනකි.

මේ එක හා සමාන අත්දැකීම් කිහියට මට මුහුණ දෙන්නට සිදුවුණේ මීට වසර දහයකට පමණ ඉහත 2007 දෙසැම්බර් නිවාඩුවේ සුතනඹුවන් සමග ලංකාවට ගිය කාලයේ දී ය.

උදෑසන පිළියන්දලින් පිටත් වූ අපි පින්නවල අලි අනාථාගාරය නැරඹීමට ගියෙමු. ඒ අවසානයේ මම ආපසු රථගාල දෙසට යමින් සිටියෙමි. පාර අයිනේ කඩයක අපූරු අලි කැටයමක් දුටු මම එහි මදක් නැවතී එය පරීක්ෂා කර බලා එහි සිටි වෙළඳ තරුණියගෙන් කැටයමේ මිල විමසුවෙමි.

"කීයද මේ ලී කැටයම?"

මගේ වදන් ඇසූ එහි සිටි තවත් යුවතියක් පුදුමයෙන් මෙන් මා දෙස බලා සිටියා ය.

පසුව ඇය "අනේ මේ අපූරුවට සිංහල කතා කරන්නේ! මහත්තයා සිංහල ද?" කියා මගෙන් විමසූවේ මා තක්බීර් කරමිනි.

"ඇයි මම දෙමළ කියලද, මුස්ලිම් කියලද හිතුවේ?" මම සරදම් බසෙන් ඇසුවෙමි.

"නෑ! මම හිතුවේ ඉන්දියාවෙන් ආපු සංචාරකයෙක් කියලයි"!

"ඇයි එහෙම හිතුණේ?"

"නෑ, මට නිකන් හිතුණා!" ඇය ලැජ්ජාවෙන් කීවා ය.

ඒ යුවතිය පින්නවල රථ ගාලේ ටිකට් පත් නිකුත් කරන්නියයි.

මෙය හුදෙකලා, අහඹු සිද්ධියක් ලෙස සලකා මගේ මතකයෙන් බැහැර කිරීමටත් පෙර පසුදා ටෙම්ල් ඔෆ් ටූත් අසළ පිහිටි කෞතුකාගාරයේ දී ද මෙවැනි සිද්ධියක් සිදුවිය.

මා එහි ඇතුළු වී ටික වේලාවකින් කෞතුකාගාර සේවකයෙක් මා වෙත පැමිණ එහි වූ ඡායාරූප කිහිපයක් පෙන්වමින් "සෑර්, ඇල් ටී ටී ටෙරොරිස් බොම් ද ටැම්පල්" යනාදී වශයෙන් ඉංග්ලිෂ් භාෂාවෙන් මා සමග විස්තරයක් කියවන්නට විය.

"මං සිංහල!" යැයි මම හෙමින් කොඳුරා ඔහුට කීවෙමි.

"සමාවෙන්න සර්, මට හිතුණේ සර් පිටරට කෙනෙක් කියලයි" පැවසූ ඔහු පසෙකට විය.

එදිනම හවස අප බහිරවකන්දේ බුදු පිළිමය නරඹන්නට ගිය විට ද මෝටර් රථය නවතා මා බහිනවාත් සමගම, "සෑර්, යූ කැන් කීප් ෂූස් හියර්" යැයි මිනිසෙක් පවසනවා ඇසුණි.

ඒ ද මා විදේශිකයෙක් යැයි සිතා ය.

එදා 2007 වසරේ දින දෙකක් ඇතුළත ඒ එක හා සමාන අහඹු සිදුවීම් තුනට මා මුහුණ දුන් කාලයෙන් පසුව, මම ලංකාවට හත් වතාවක් ගොස් ඇත්තෙමි.

නමුත්, මා ඉන්දියන්කාරයෙකු යැයි ඊට පසු කිසිවෙකු හෝ රැවටී මා හා කතා කර නැත.

-රසිකොලොජිස්ට්

ප/ලි:
මෙන්න මේ ලිපියට සම්බන්ධ පෙර පළ කළ ලිපි.

1. ජෝර්ජ් ලොක්කාට කන්න යමක් දෙමු - Sri Lankan Samosa?
https://rasikalogy.blogspot.com/2016/05/sri-lankan-samosa.html


2. දේශප‍්‍රිය ලංකාපුත‍්‍ර යුවළ ගේ ඉන්දියානු ගමන - Mr and Mrs Lankaputhra visit India
https://rasikalogy.blogspot.com/2017/04/mr-and-mrs-lankaputhra-visits-india.html


(image: https://www.thestar.com/news/world/2015/02/16/india-signs-nuclear-pact-with-sri-lanka-countering-china.html)

22 comments:

  1. ඇඳගෙන ගිය ඇඳුම මොකක්ද?

    ReplyDelete
    Replies
    1. සාමාන්‍ය කළිසමක් සහ ටී-ෂර්ට් එකක්. බලන්නම් ෆොටෝ එකක් හොයා ගන්න!

      Delete
  2. ඔය කියුවට රසික, කෝට් බෑයක් ගෙන යන්න ඇති! :D

    ReplyDelete
    Replies
    1. මොන කෝට් ද පින්නවල රස්නේ මැද්දේ?

      මං හිතන්නේ එදා එතැන සෑහෙන්න ඉන්දියන්කාරයින් හිටියා.

      Delete
  3. ඉන්දියාවේදී පොත්තීස් එකට ගියාම සේල්ස් රෙප් කෙනෙක් ඇවිත් කෙලින්ම සිංහලෙන් කතා කරලා කීයේ සාරිද ඕන කියල මගෙන් ඇහුවා.

    ReplyDelete
    Replies
    1. ඒක සතුටට කාරණයක් නේ, පිටරටක දී තමන්ව සිංහලයෙකු ලෙස හඳුනා ගැනීම.

      මේක ඉන්දියාවේ දී ඉන්දියන්කාරයෙකු කියා රැවටීමටත් වඩා දරුණු "අපහාසයක්"!

      Delete
  4. මටත් ඔය වගේ දේවල් වෙලා තියෙනවා. මම තායිලන්තයේ කඩේකට ගියාම ඇහුවා are you from Nepal කියල .

    ReplyDelete
  5. මෙහේ ගොඩක් අය මාව දැක්ක ගමං හිතන්නෙ මම බංගලියෙක් කියල. ඒ නිසා ලබපු තිත්ත අදැකීම් සෑහෙන්න තියේ..

    ReplyDelete
    Replies
    1. බංග්ලාදේශ් හාමුදුරු කිහිප දෙනෙකු අපේ අම්මා ඉන්නා නිවස අසල පන්සලේ ඉන්නවා. මං ඔවුන් බංග්ලාදේශ් කියා දැන ගත්තේ පසුවයි!

      Delete
  6. එක පාරක් ඔහෙ කොහේදෝ ශ්‍රී ලංකා ක්‍රිකට් ටී ෂර්ට් එකක් ඇදගෙන ගිහින් බංගලිකාරයෝ කෝචෝක් කරා නේද චිරි ලංකා චිරි ලංකා ලොල්ලෙක් ලොල්ලෙක් කියලා.

    අපේ ගරු මාතලන්තුමා දවසක් ඉන්දියන් සංචාරකයෙක් එක්ක නුවරඑළියේ ගිහින් එද්දී මගදී දිය ඇල්ලක් ගාව වාහනේ නවත්තලා. ඊට පස්සේ එතැන් හිටපු තවත් ගයිඩ් කෙනෙක් ඇවිත් අර ඉන්දියන්කාරයා එක්ක සිංහලෙන් කතා කරනවලු. ඒ ගයිඩ් හිතලා තියෙන්නේ මාතලන් මෙහෙට ආපු යුරෝපිය සංචාරකයෙක්, අර ඉන්දියන්කාරයා මෙහෙ ගයිඩ් වෙන්න ඇති කියාලා.

    ReplyDelete
    Replies
    1. ඔව් සිංහල අයෙකුට ලංකාවේ දී ඉන්දියානුවෙකු කියා කතා කරනවා නම්, ඉන්දියානුවෙකුට සිංහලෙන් කතා කරන්නට හොඳටම ඉඩ තියෙනවා!

      Delete
  7. සමහර වෙලාවට අපේ රටේ අය හඳේ ඉඳං ආව වගේ හැසිරෙන වෙලාවලුත් තියෙනවනෙ. මං හිතන්නෙ රසිකගෙ කොණ්ඩෙ නැති කමත් නහයෙ දිගකමත් නිසා පන්ජාබ් වගෙ පේනව ඇති.

    ReplyDelete
    Replies
    1. /* මීට වසර දහයකට පමණ ඉහත 2007 දෙසැම්බර් නිවාඩුවේ */

      මං හිතන්නේ මං නිතිපතා කොණ්ඩේ බූ ගාන්න පටන් ගත්තේ ඊට පස්සේ කාලෙකයි. ෆොටෝ සියල්ල අස්ථාන ගත වෙලා!

      මා දන්නා පංජාබ්කාරයින් (Sikh) අති බහුතරය කොණ්ඩේ දිගට වවා, එය මැදිකර තලප්පාවක් බැඳගෙනයි ඉන්නේ!

      Delete
  8. මේවා කියෝල පනයන තරමට මටම හිනා !!!

    හඃ හඃ හඃ හඃ හා, හිහ් හිහ් හිහ් හිහ් හූ, හෙහ් හෙහ් හෙහ් හෙහ් හෝ, හොක් හෝක් හොක් හෝක් කෝ!

    ReplyDelete
  9. මේවා කියෝල පනයන තරමට මටම හිනා !!!

    හඃ හඃ හඃ හඃ හා, හිහ් හිහ් හිහ් හිහ් හූ, හෙහ් හෙහ් හෙහ් හෙහ් හෝ, හොක් හෝක් හොක් හෝක් කෝ!

    ReplyDelete
  10. වට ඇල්ල ගාව නේද මචං ?

    ReplyDelete
  11. මෙල්බන් ඉන්න ඔසී සමහරු නම් කියන්නේ ලංකා vs ඉන්දියන් එයාලට අඳුන ගන්න පුලුවන් කියලයි.
    //"මං සිංහල!" යැයි මම හෙමින් කොඳුරා ඔහුට කීවෙමි. //
    අපරාදේ රසිකට තිබුනේ අර ගයිඩ් ගෙන් තව විස්තර ටිකක් අහගෙනම ඕක කියන්න :D

    ReplyDelete
  12. Rasika's healthy and decent look with fair complexion may deceit people, mostly woman are attracted to you

    ReplyDelete

ඔබේ ප්‍රතිචාරය මට සතුටකි!. Your comments are most welcome!
සංයමයෙන් යුතුව ප්‍රතිචාර දක්වන්න.